Дар тамринҳои ҳарбии воҳидҳои низомии Тоҷикистону Ӯзбекистон дар баробари силоҳи сабуки оташфишон, аз дастгоҳҳои парвозкунандаи бесарнишин, танк, мошинҳои зиреҳпӯш, чархбол ва минафкан (миномёт) истифода шуд, хабар дод ба “Азия-Плюс” сардори маркази матбуоти Вазорати мудофиаи Тоҷикистон майор Ориф Нозимов.
“Барои ошкор кардани макони ҷамъшавии террористони шартӣ, ки ба қаламрави водии Фарғона ворид шудаанд, аз ҳавопаймоҳои хурди бесарнишин истифода шуда, сипас чархболҳои H215 (Airbus Helicopters)-и Ӯзбекистон ва Ми-8-и Тоҷикистон ба макони таҷаммӯъи ҷангиён зарбаҳои ҳавоӣ заданд”, - гуфт ӯ.
Танкҳои Т-72-и Тоҷикистон, мошинҳои зиреҳпӯши Ӯзбекистон ва гурӯҳҳои муштараки минафкан аз хушкӣ ба “террористон” зарба заданд.
Хизматчиёни ҳарбии дастаҳои таъиноти махсуси Вазоратҳои мудофиаи кишварҳо макони ҷамъшавии “ҷангиён”-ро иҳота намуда, қароргоҳ ва худи онҳоро пурра нобуд карданд.
“Дар тамринҳои муштарак ҳамагӣ наздики 600 нафар хизматчиёни ҳарбии ҳарду кишвар иштирок доранд”, - гуфтанд дар Вазорати мудофиаи Тоҷикистон.
Нахустин дар таърихи муносибатҳо тамринҳои муштараки воҳидҳои ҳарбии Вазоратҳои мудофиаи Тоҷикистону Ӯзбекистон дар машқгоҳи низомии “Чорухдайрон” дар вилояти Суғд ҷараён доранд.
Имрӯз дар доираи тамринҳо раҳбарияти вилояти Суғд ва шаҳру навоҳии минтақа дар яке аз нуқтаҳои тирандозии маркази таълимии “Нурафшон” малакаҳои худро дар тирандозӣ аз автомати Калашников ва тапппончаи Макаров месанҷанд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Салом алейкум, Таджикистан! Анонсы событий, день в истории, прогноз погоды на 18 апреля 2024 года
История кофе: от Эфиопии до первого цеха по обжарке в Таджикистане
В Таджикистане организовали курсы по изучению таджикского языка жестов. Чем он отличается от международного?
МВФ в три раза понизил заявленный правительством Туркменистана рост ВВП республики
Юлия Навальная вошла в топ-100 самых влиятельных людей мира по версии Time
В селе в районе Дж. Балхи при поддержке Японии построили школу
В Душанбе из-за международного полумарафона перекроют дороги
В Варзобе в суд направили дело капитана милиции по обвинению в получении 20 тысяч сомони взятки
Родственники Мухаммадсобира Файзова, подозреваемого в теракте в «Крокус Сити Холл», рассказали свою правду
Медведев призвал ввести уголовную ответственность для иноагентов
Все новости
Авторизуйтесь, пожалуйста