Мақомоти маҳаллии иҷроияи ҳокимияти давлатии шаҳри Душанбе иқдоми наверо роҳандозӣ намуд, ки мувофиқи он сокинони шаҳр метавонанд доимо бо шаҳрдорӣ дар робита бошанд.

Бино ба маълумоти дафтари матбуоти шаҳрдорӣ, акнун сокинони пойтахт имкон пайдо карданд, ки қонуншиканиҳо ва дигар камбудиҳои фаъолияти хоҷагидории шаҳрро дар телефонҳои ҳамроҳ ё дигар воситаҳои техникӣ сабт намуда, акс ё навори видеоро ба суроғаи раиси пойтахт - [email protected] ирсол намоянд.

Муаллифон метавонанд мухтасар чӣ гуна содир шудани қонуншиканӣ ё камбудии ҷойдоштаро дар навори видео шарҳ дода, онро ба суроғаи электронии зикршуда, ҳамчунин тариқи шабакаи Vaiber ё Whats App ба рақами 985-95-22-22 фиристанд.

Таъкид мешавад, ки махфӣ нигоҳ доштани ному насаби афроди акс ё навори видео ирсолкарда ба суроғаи раиси пойтахт ё рақами зикршуда кафолат дода мешавад.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.