Ҳукумати Тоҷикистон чанде қабл барои интихоби беҳтарин лоиҳаи ангоравии Маҷмааи меъмории рамзи «Истиқлолият ва Озодӣ» дар шаҳри Душанбе озмун эълон кард.
Баргузории озмун бо мақсади ҳифзи арзишҳои фарҳангӣ, таҷассуми рукнҳои муҳими давлатдорӣ, боз ҳам баланд бардоштани ҳисси худшиносии миллӣ ва дар қалби шаҳрвандони мамлакат ҷой додани ғояҳои Истиқлолият ва озодӣ, инчунин ба муносибати 30-солагии ҷашни Истиқлолияти давлатии Тоҷикистон роҳандозӣ мешавад.
Озмун дар як давр гузаронида шуда, шахсони воқеӣ ва ҳуқуқии ватанию хориҷӣ метавонанд озодона дар он иштирок намоянд.
Тибқи маълумоти дарёфтии «Азия-Плюс» аз ҳукумати ҷумҳурӣ, санаи 8 феврал тартиб ва тарзи баргузории озмун муайян ва ҳайати комиссияи озмун тасдиқ шудааст, ки роҳбарии комиссия ба дӯши сарвазии кишвар Қоҳир Расулзода вогузор шудааст.
Ба ҳайати комиссия ҳамчунин раиси пойтахт Рустами Эмомалӣ, муовини сарвазир Азим Иброҳим, роҳбарони Кумитаи меъмориву сохтмон, Раёсати рушди зербинои дастгоҳи иҷроияи президент, ёвари президент оид ба масоили рушди иҷтимоӣ ва робита бо ҷомеа, вазири фарҳанг, роҳбарони Кумитаи заминсозӣ, Кумитаи ҳифзи муҳити зист, президенти Академияи илмҳо, раиси Иттиҳоди нависандагон ва роҳбари Федератсияи иттифоқҳои касабаи мустақили Тоҷикистон шомил шудаанд.
Маҷмааи меъмории рамзи «Истиқлолият ва Озодӣ» дар майдони 8,5 гектар, дар ҷойи ҳамроҳшавии дарёҳои Душанбе ва Лучоб, қисмати ҷанубии корпусҳои нави Донишгоҳи миллии Тоҷикистон воқеъ дар кӯчаи Низомии Ганҷавӣ қомат меафрозад.
Ба ғолиби озмун 15 ҳазор сомонӣ, зинаи дуюмро ишғолкарда - 10 ҳазор сомонӣ ва барои ҷойи сеюми озмун - 7 ҳазор сомонӣ мукофотпулӣ тақдим мегардад.
Сбор и сортировка мусора: Таджикистан принимает участие в «Евразийском Кубке Чистоты»
Задолженность по зарплате в Таджикистане превысила 2,5 млн долларов
Из 21 века в сказку древних времен. Интересные факты о «Худжандской крепости»
В Таджикистане свыше 142 тыс. сомони похищено при строительстве столовой в Центре тестирования
В Душанбе состоится конференция женщин журналисток
Таджикским мигрантам не разрешают въезжать в Россию из Казахстана?
МВД Таджикистана приглашает граждан стать мобильными журналистами для борьбы с преступностью
«Хотел освободить парня от службы». Замглавы Шахритуса задержан за взятку в 5 тысяч сомони
Против участников конфликта в Гиссаре, попавшего на видео, составлены протоколы
Мосгорсуд признал законным арест фигуранта дела о теракте в "Крокусе"
Все новости
Авторизуйтесь, пожалуйста