Дар пойтахти Тоҷикистон аз 1 апрел роҳкиро танҳо тариқи корти ягонаи Cityсard пардохт шуда, пули нақд қабул намешавад. Дар бораи ҷорӣ шудани ин навгонӣ намояндагони ширкати Cityсard дар саҳифаашон дар шабакаи Фейсбук хабар додаанд.
Дар мақомоти шаҳрдории Душанбе ба «Азия-Плюс» дар ин робита иттилоъ доданд, ки айни замон дар 285 троллейбусу автобусҳои дар пойтахт равуодошта валидаторҳо (қабулкунандаҳои пардохти роҳкиро) гузошта шудаанд.
Кортҳои ягонаи Cityсard-ро метавон дар терминалҳо ва фурӯшгоҳҳо (киоскҳо)-и назди истгоҳҳои нави нақлиёти ҷамъиятӣ дар пойтахт харидорӣ намуд.
Арзиши ҳадди ақали корти пластикии Cityсard - 7 сомонӣ буда, 4 сомонӣ - маблағе мебошад, ки дар сурати баргардони корт ширкат онро низ бармегардонад ва 3 сомонии боқимонда дар тавозуни корт боқӣ монда, барои пардохти роҳкиро истифода мешаванд.
Нархи роҳкирои як маротиба ба автобус нишастан дар Душанбе - 1 сомониву 20 дирам ва троллейбус - 1 сомониро ташкил медиҳад.
Дар терминалҳои ширкати Express Pay ба тавозуни корт метавон маблағ илова кард.
Сокинони шаҳр ва меҳмонони пойтахт метавонанд аз ронандагон ё марказҳои савдо ду навъи кортҳои муваққатӣ - 5 сомонӣ барои 4 маротиба истифода (мухлати ниҳоии истифода - 5 рӯз) ва 10 сомонӣ барои 8 маротиба истифода (муҳлати ниҳоии истифода 10 рӯз) харидорӣ намоянд.
Дар ширкат пешниҳод кардаанд, ки дар робита ба масоили харидорӣ ва истифодаи кортҳо аҳолӣ метавонад бо телефони +992 (44) 601 11 11 муроҷиат намояд.
«То пурра ҷорӣ шудани ин низом, мо алҳол аз кори назоратчиён даст намекашем. Ғайр аз ин, давраҳои аввал онҳо ба мусофирон тарзи истифода аз кортҳоро меомӯзанд», - хабар доданд аз ширкат.
Зимнан зикр гардид, ки дар автобусу троллейбусҳо панҷараҳо (турникетҳо)-и махсус ва посбонон гузошта нашуда, дар навбати аввал ба виҷдони худи мусофирон такя хоҳад шуд, лекин комиссияи назоратии санҷишӣ низ амал хоҳад кард, ки дар сурати ошкор шудани аз ҷониби мусофирон пардохт нашудани роҳкиро, онҳоро ҷарима мекунад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
В Латвии запретят изучать русский язык в школах в качестве второго иностранного
Бойцов из Таджикистана ждут новые поединки: кто и с кем?
Таджикистан и Италия подписали Соглашение об отмене виз для владельцев дипломатических паспортов
Салом алейкум, Таджикистан! Анонсы событий, день в истории, прогноз погоды на 24 апреля 2024 года
Британия выделяет на помощь Украине полмиллиарда фунтов и передает крупнейший пакет военной помощи
Таджикистан и Узбекистан договорились о транзитном проезде грузовиков через свои территории без разрешений
Чем Нурек очаровал Дэвида Кэмерона
Убийство Салтанат Нукеновой в Астане: Бывшая супруга рассказала о браке с Бишимбаевым
В Казахстане похитили свыше $2 млн, выделенных на содержание дамб
УМВД: В Душанбе 13-летний мальчик покончил жизнь самоубийством, бросившись с 16 этажа
Все новости
Авторизуйтесь, пожалуйста