Нимаи дуюми рӯзи 15 май аввалин автобусҳои шаҳри Тошканди Ӯзбекистон вориди шаҳри Хуҷанди вилояти Суғди Тоҷикистон гардиданд.
Меҳмонони нахустин хатсайри Тошканд - Хуҷандро, ки аз намояндагони мақомоти нақлиёту ширкатҳои сайёҳӣ ва журналистони кишвари ҳамсоя иборат буданд, дар истгоҳи «Роҳи абрешим»-и шаҳри Хуҷанд самимона истиқбол намуданд.
Бино ба иттилои хадамоти матбуоти раиси вилояти Суғд, зимни суханронӣ дар маросими истиқбол муовини якуми раиси вилоят Рустам Раҳматзода қайд кард, ки кушодашавии чандин гузаргоҳҳои байнисарҳадӣ, рафтуомади доимии мусофирон ва гардиши мол байни ду кишвар аз ҷумлаи масъалаҳои муҳиме буданд, ки дар доираи сафари расмии Шавкат Мирзиёев ба Тоҷикистон баррасӣ гардиданд ва чорабинии имрӯза низ давоми мантиқии ин ташаббусҳо мебошад.
Зикр шуд, ки имрӯз аввалин автобусҳои ширкати «Манзара Туризм»-и Ӯзбекистон аз шаҳри Тошканд вориди шаҳри бостонии Хуҷанд шуданд ва пагоҳ, 16 май автобуси нахустини ширкати «Asian Express Terminal» — и Тоҷикистон аз шаҳри Хуҷанд ба шаҳри Тошканд раҳсипор мегардад. Нархи роҳкиро аз ҳарду ҷониб 50 сомонӣ муқаррар гардидааст. Масофаи роҳи хатсайр 174 километр, вақти сафар 4,5 соат аст.
Намояндаи Вазорати нақлиёти Тоҷикистон Қурбналӣ Хидирзода иброз дошт, ки муддати ду-се ҳафтаи оянда равуои нақлиёти мусофирбар тариқи тамоми хатсайрҳои мувофиқашуда, аз ҷумла аз Исфараву Конибодм ба Қӯқанд, Андиҷон, Намангон ва Фарғона, хатсайрҳои Душанбе - Тирмиз, Душанбе - Деҳнав, Душанбе - Тошканд, Панҷакент - Самарқанд, Панҷакент - Бухоро ва Шаҳритӯс - Тирмиз ба роҳ монда шуда, дар маҷмӯъ байни давлатҳои 10 хатсайри равуои нақлиёти мусофирбар амал хоҳад кард.
Хидирзода ҳамчунин шаҳрвандонро огоҳ кард, ки зимни сафар бояд бо худ шиносномаи хориҷӣ дошта бошанд ва барои кӯдакони синни то 5-сола шояд равуо бепул шавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Легенда таджикского кинематографа. 45 лет назад не стало Бориса Кимягарова
На западе Казахстана задержали похитителей противопаводковых укреплений
Стали известны размеры денежных призов Душанбинского полумарафона
5 видов заболеваний, которые обостряются весной
В России уволили ректора Института русского языка после скандала с тестами для мигрантов
Товарооборот между Таджикистаном и Кыргызстаном упал до неприлично низкого уровня
FORMULA55 и ТВ «Варзиш» заключили спонсорское соглашение
Как, закрывая глаза на насилие в семье, в Центральной Азии множат суицид и убийства женщин
ЕФРС поможет Таджикистану внедрить принципы программного бюджетирования
Таджикистан в первом квартале продал соседям электричество почти на $7,2 миллиона
Все новости
Авторизуйтесь, пожалуйста