Дар ҳисоботи солонаи худ раиси шаҳри Душанбе қайд кард, ки музди меҳнати миёна дар пойтахт 1589 сомонӣ (тақрибан 201 $)-ро ташкил медиҳад.

Оё он барои зиндагонии як оилаи тоҷики иборат аз 5 нафар (зану шавҳар ва се кӯдак) кифоя аст? Бо таҳияи рӯйхати номгӯи хароҷоти ҳадди ақали зарурӣ барои як моҳ ба 1 оила, мо тасмим гирифтем, ки ба ин масъала каме рӯшанӣ андозем. Хароҷоти мавсимӣ барои сарулибосу пойафзол бо назардошти тақсимот ба моҳҳо пешниҳод шудаанд.

Ҳисобу китоби мо нишон дод, ки бо ин маблағ зиндагӣ кардан имкон дорад, вале дар ин ҳолат зану шавҳар ҳарду бояд кор карда, мутаносибан дар як моҳ ду миқдор чунин маош бигиранд. Қобили зикр аст, ки маоши ҳама ба 200 доллар намерасад. Хароҷот ҳам аксаран хеле зиёдтар аст, зеро хароҷоти ғайримунтазирра, аз қабили қабули меҳмонҳову баргузории иду ҷашнҳо ва ғайра низ кам нестанд.