Сафари ҳунарии муштараки сарояндаи маъруфи ӯзбек Юлдуз Усмонова ва ҳаҷвнигори шинохта Обид Асомов ба шаҳру ноҳияҳои Ӯзбекистон муваққатан қатъ шуда, барномаҳои эхълоншудаи консертии онҳо дар шаҳрҳои Намангону Бекобод ба таъхир афтоданд.
Бино ба иттилои Бахши хабарии Осиёи Марказӣ, намояндагони Усмонова гуфтаанд, дар ҷараёни консертҳои гузашта чанд кас беҳуш ва ба беморхона интиқол дода шуд. Бинобар ин, созмондиҳандагон маҷбур шуданд, консертҳоро ба таъхир гузоранд ва сокинони Намангон, ки 22 июл барои тамошои консерт омада буданд, ба хонаҳояшон баргаштанд.
“Тайи чанд моҳи ахир дар бораи консерти Усмонова огаҳӣ доданд. Вале консерти ӯ бо сабабҳои номаълум баргузор нашуд. Усмонова намангониҳоро фиреб дод. То ҳол пули билетҳоро барнагардонданд. Занони пиронсолу кӯдакон бо вуҷуди гармии 40-45-дараҷаӣ омада буданд. Аз Усмонова талаб дорем, ки аз сокинони Намангон узр пурсида, пули билетҳоро баргардонад”, - омадааст дар номаи як гуруҳи сокинони Намангон, ки нусхааш ба дасти Бахши ӯзбекии Радиои Озодӣ расидааст.
Сафари ҳунарии Юлдуз Усмонова ба шаҳру навоҳии Ӯзбекистон 8 июл оғоз шуда буд. Дар ин сафарҳо ҳаҷвнигори маъруфи ӯзбек Обид Асомов низ Усмоноваро ҳамроҳӣ мекард. Қарор буд, Усмонова 22 июл дар Намангон ва 23 июл дар Бекобод консерт диҳад.
Сухангӯи иттиҳодияи “Ӯзбекконсерт” хабари ба таъхир афтодани барномаҳои консертии Усмоноваро ба далели гармои шадид тасдиқ кардааст.
Барномаҳои консертии Усмонова дар Намангон ва рӯзи баъдаш дар Бекобод ба таъхир афтоданд. Созмондиҳандагон мегӯянд омодаанд, пули онҳоеро, ки ин таъхирро қабул надоранд, баргардонанд.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста