Пешвои нави Ӯзбекистон Шавкат Миризиёев муддати ду-се соли наздик ташаббускори таъсиси Иттиҳоди кишварҳои Осиёи Марказӣ (ОМ) ба мисли Иттиҳоди Аврупо шуда метавонад.
Ин ақида аз ҷониби сиёсатмадор ва журналисти тоҷик, профессор Иброҳим Усмонов баён шуд, ки солҳои гуногун ба ҳайси мушовири президент, раиси Кумитаи телевизиону радио ва вакили Шӯрои Олии кишвар фаъолият кардааст.
Иброҳим Усмонов мутмаин аст, ки Мирзиёев ният дорад мақоми ғайрирасмии пешвои кишварҳои Осиёи Марказиро ба Ӯзбекистон баргардонад.
«Тошканд то оғози солҳои 90-уми асри гузашта ба сифати пешвои ғайрирасмӣ миёни кишварҳои минтақа шинохта мешуд, ки ин мақомро акнун Қазоқистон дорад, - қайд кард ӯ. - Дар ҳамин ҳол, Мирзиёев ба нақши ҳукмронӣ (гегемон) дар минтақа довталабӣ намекунад, ӯ ба хубӣ медонад, ки бо ҳамсояҳо ҳамкории мутақобиалан судман роҳандозӣ кардан зарур аст».
Сиёсатмадори тоҷик ҳамчунин изҳор дошт, ки тӯли ҳамагӣ як сол писандидагиву маъруфияти президенти Ӯзбекистон миёни аҳолии ин кишвар ва дигар давлатҳо то он дараҷае боло рафт, ки ҳар гуна сиёсатмадоре аз ӯ ҳасад бурда метавонад.
«Ман бовар дорам, ки ояндаи наздик президенти Ӯзбекистон доир ба масоили ҳимоя аз фарҳангу забон ва фарҳангу маорифи аққалиятҳои миллии минтақа ташаббусҳои навро роҳандозӣ хоҳад кард», - таъкид дошт коршинос.
Қобили зикр аст, ки тайи як соли президентии Шавкат Мирзиёев сиёсати наздикшавии Тошканд ба ҳамсоякишварҳои минтақа хеле тақвият ёфта, бисёр мушкилоте, ки замони сари мансаб будани президенти пешини ин кишвар Ислом Каримов ҳалношуда боқӣ мемонданд, дар як муддати кӯтоҳ ҳаллу фасл шуданд.
Коршиносон бар ин назаранд, ки ба туфайли шаффофияти сиёсати Мирзиёев сатҳи эътимод миёни кишварҳои минтақа бамаротиб боло рафт. Аз ҷумла, муносибатҳои Тошканду Душанбе куллан тағйир ёфта, масъалаи сохтмони нерӯгоҳи Роғун ҳал шуд. Ҳамчунин ҳаҷми муомилоти мол миёни кишварҳо бемайлон афзуда, Тоҷикистону Ӯзбекистон дар остонаи ҳаллу фасли масоли марбут ба раводиду сарҳад қарор доранд ва рӯз то рӯз робитаҳои арбобони фарҳангу илми ҳарду кишвар густариш меёбанд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста