Дар Бозиҳои Осиё-2018 дар Индонезия мусобиқаи дзюдочиён идома дорад. Имрӯз намояндаи Тоҷикистон Комроншоҳи Устопириён медали биринҷии бозиҳоро ба даст овард.

Дар қувваозмоиҳояш Комроншоҳ бар варзишгарони Непал, Лубнон дастболо шуда, дар даври нимфиналӣ аз варзишагри Муғулистон шикаст хӯрд. Дар рақобат барои медали биринҷӣ бо дзюдочии қазоқ пирӯз шуд.

Қобили зикр аст, ки ин медали чоруми намояндагони Тоҷикистон дар Бозиҳои Осиё-2018 аст. Қаблан гурзандоз Дилшод Назаров, гуштигир Беҳрӯз Хоҷазода ва қаиқрон Шаҳриёр Даминов ба дарёфти медалҳои нуқра шарафёб гардида буданд.

Боз ду дзюдочии тоҷик ба дарёфти медалҳои Бозиҳо имкон доранд. Дар қувваозмоӣ барои медали биринҷӣ Саидҷалол Саидов (вазни то 100 кило) бо намояндаи Муғулистон рақобат мекунад.

Дар вазни зиёда аз 100 кило Шакармамад Мирмамадов барои дарёфти медали биринҷии бозиҳо шояд ба варзишгари Ҷопон ба майдон барояд, лекин натиҷааш ҳоло дар сомонаи расмии Бозиҳо тасдиқи худро наёфтааст.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.