Гуштигири тоҷик Комроншоҳи Устопириён дар мусобиқаи ситораҳои дзюдо (Guangzhou Masters 2018), ки 15-16 декабр дар шаҳри Гуанжоуи Чин баргузор мешавад, иштирок мекунад.
Бино ба иттилои маркази матбуоти Кумитаи миллии олимпии Тоҷикистон, Комроншоҳи Устопириён ягона варзишгарест, ки аз ҷумҳурии мо барои ширкат дар ин мусобиқа даъват шудааст.
Гуфта мешавад, тибқи низомнома дар “Guangzhou Masters 2018” 16 нафари беҳтарин дар ҳар категорияи вазнӣ аз рӯи раддабандии ҷаҳонӣ иштирок мекунанд. Комроншоҳ Устопириён ягона варзишгари Тоҷикистон аст, ки дар раддабандии ҷаҳонӣ мавқеи беҳтар дорад. Ӯ феълан бо 3446 хол ҷои 9-уми категорияи вазнии -90кг-ро ишғол кардааст.
Дар мусобиқаи ситораҳои дзюдо иштироки 534 варзишгар (119 мард, 115 зан) аз 53 кишвари дунё дар назар аст. Мусобиқа баъд аз чемпионати ҷаҳон бонуфузтарин чорабинии Федератсияи байналмилалии дзюдо мебошад.
Варзишгарон дар мусобиқа соҳиби холҳои олимпӣ мешаванд. Бино ба маълумоти IJF.org, ғолибони ин мусобиқа - соҳиби 1800 хол, дорандагони медалҳои нуқра – 1260 ва биринҷӣ – 900 хол мешаванд. Ғайр аз ин, ба ҷуз мақомҳои ҷоизавӣ, барои ҳар як ғалаба дар қувваозмоӣ 200 хол дода мешавад.
Барои соҳибони се зинаи аввали мусобиқа мукофотпулӣ низ пешбинӣ шудааст. Барои ғолиб – 9 ҳазор доллар, барои ҷои дуюм – 6 ҳазор доллар ва барои ду ҷои сеюм - 3 ҳазордолларӣ ҷоизапулӣ пешбинӣ шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста