Сатҳи таваррум дар бахши истеъмолиии Тоҷикистон тӯли 7 моҳи соли равон 6,3%-ро ташкил дода, бештар ба таври қобили мулоҳиза нархи маҳсулоти ғизоӣ ва тарифҳои хизматрасонии пулакӣ ба аҳолӣ боло рафтанд.
Бино ба маълумоти Агентии омори назди Президенти ҶТ, аз оғози сол маҳсулоти хӯрокворӣ - 8,5%, маҳсулоти ғайриғизойӣ - 1,6% ва хизматрасониҳои пулакӣ ба аҳолӣ - 6,5% қимат шуданд.
Ҳамин тариқ, сатҳи моҳонаи таваррум дар Тоҷикистон ба ҳисоби миёна 0,9%-ро ташкил дод.
Аз маҳсулоти хӯрокворӣ бештар пиёз, сабзӣ, карам, лӯбиё, картошка, гӯшти гов ва шакар қимат шуда, дар баробари ин помидору бодиринг, себ, тухм, биринҷ ва шир арзон шуд.
Болоравии нархи маҳсулоти ғайриғизоӣ асосан ба гарон шудани бензин (21%) ва гази моеъ (13,1%) вобаста буда, дар ҳамин ҳол, поинравии нархҳо ба семент ва хишт ба қайд гирифта шудааст.
Ба болоравии нархи хизматрасониҳои пулакӣ ба аҳолӣ асосан афзоиши нархи сафар тариқи ҳавопаймо (2,3 баробар) ва ҳамчунин хизматрасониҳои обтаъминкунӣ ва амбулаторӣ (қабули беморон) мусоидат кардааст.
Дар ҳамин ҳол, аз оғози сол поинравии нархи сафар тариқи роҳи оҳан ба қайд гирифта шудааст.
Ҳукумати Тоҷикистон сатҳи таваррум то охири солро дар сатҳи 7% нигоҳ доштанист.
Қобили зикр аст, ки аз рӯи натиҷаҳои соли 2016 мизони таваррум дар Тоҷикистон 6,1% ва сатҳи миёнаи моҳонаи он - 0,5%-ро ташкил дода буд.
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Кулли ахбор
Авторизуйтесь, пожалуйста