Шӯрои директорони иҷроияи Бонки ҷаҳонӣ (БҶ) маблағгузории иловагиро дар ҳаҷми 15 миллион доллари ИМА ҷиҳати дастгирии лоиҳаи амалкунандаи Лоиҳаи тиҷоратисозии соҳаи кишоварзӣ тасдиқ намуд.
Лоиҳа ба вусъатдиҳии имкониятҳо барои деҳқонон ва корхонаҳои Тоҷикистон бо мақсади баланд бардоштани маҳсулнокӣ ва дастрасӣ ба бозорҳои ватанӣ ва байналмилалӣ равона шудааст.
“Бо истифода аз имкониятҳои васеи содиротӣ барои маҳсулоти кишоварзӣ ва озуқавории дар Тоҷикистон истеҳсолшуда, лоиҳа талошҳои соҳибкоронро ҷиҳати баланд бардоштани маҳсулнокӣ ва имкониятҳои шуғл дар манотиқи деҳоти Тоҷикистон дастгирӣ мекунад, - қайд намуд Ян-Петер Олтерс, Намояндаи доимии Бонки ҷаҳонӣ дар Тоҷикистон. - Инкишофи соҳибкорӣ дар деҳот, аз ҷумла бо кӯмаки барномаҳои вусъатдиҳии дастрасӣ ба маблағҳои молиявӣ, дастгирии лоиҳаҳои нав ва таъмини соҳибкорони деҳотӣ бо малакаҳои дахлдори соҳикорӣ, воситаи муҳимми мусоидат ба навоварӣ, савдо, дастгирии ташкили ҷойҳои нави корӣ дар манотиқи деҳоти дорои иқтисоди рӯ ба тараққӣ, маҳсуб меёбад”.
Лоиҳаи аслии Лоиҳаи тиҷоратисозии соҳаи кишоварзӣ дар Тоҷикистон, ки тавассути грант дар ҳаҷми 22 миллион доллари ИМА аз ҳисоби Ассотсиатсияи Байналмилалии Рушд (АБР) маблағгузорӣ шудааст, тиҷоратикунонии маҳсулоти кишоварзӣ ва агробизнесро тавассути баланд бардоштани самаранокии занҷирҳои алоҳидаи арзиши иловашуда, вусъатдиҳии дастрасӣ ба маблағгузорӣ ва таҳкими иқтидорӣ хоҷагиҳои деҳқонии хурд, корхонаҳои агробизнеси миёна ва а сотсиатсияҳои истеҳсолкунандагон, дастгирӣ намудааст.
То имрӯз, лоиҳа зиёда аз 1000 хоҷагиҳои деҳқонии инфиродӣ ва корхонаҳои хурд ва миёнаро ба маблағи умумӣ дар ҳаҷми 3,3 миллион доллари ИМА дастгирӣ намуд. Инчунин лоиҳа занҷири арзиши иловашударо барои зардолуи тоза ва хушккардашуда ва маҳсулоти ширӣ дастгирӣ мекунад. Дар натиҷа, зиёда аз 3,000 деҳқон дар самти технологияҳои такмилдодашудаи (баъди) истеҳсолот ва дастрасӣ ба бозор омӯзонида шуданд. Аввалин даҳ гранте, ки тасдиқ шуданд ба гуруҳҳои хоҷагиҳои фермерии хурд имконият доданд, ки ба занҷирҳои арзиши иловашудаи лоиҳавӣ пайваст шаванд.
Айни замон фаъолият дар самти баланд бардоштани нерӯи институтсионалӣ бо мақсади дастгирии муассисаҳои таълимии соҳаи кишоварзӣ, муассисаҳои молиявии иштирокдори лоиҳа ва Агентии омори Тоҷикистон, амалӣ шуда истодааст.
“Соҳаи кишоварзӣ дар афзоиши иқтисодӣ ва паст кардани сатҳи камбизоатӣ дар Тоҷикистон нақши асосиро мебозад, - афзуд Сандра Брока, Роҳбари лоиҳаи “тиҷоратисозии соҳаи кишоварзӣ”. - Бо маблағгузории иловагӣ, равиши лоиҳа – дастрасӣ ба дониш дар якҷоягӣ бо маблағгузорӣ берун аз соҳаи кишоварзӣ ва агробизнес ба дигар шаклҳои зербахшҳои деҳотӣ ва корхонаҳо вусъат ёфта, имкониятҳои бештарро барои даромад ва ташкили ҷойҳои нави корӣ фароҳам меоварад”.
Бо маблағгузории иловагӣ, ки имрӯз ба тасвиб расид, лоиҳа чорабиниҳоеро, ки ба афзоиши ҳаҷми хатти қарзии барои корхонаҳои агробизнес дастрасанд, пешниҳоди барномаи грантии муносиб ҷиҳати дастгирии даромади корхонаҳои нав ва ҷавон ба бозор ва таҳкими иқтидорӣ муассисаҳои қарзии хурд оид ба маблағгузории соҳибкории кишоварзӣ, аз ҷумла муассисаҳои қарзии хурди алоҳида, ки дорои зарфияти хуби рушд мебошанд, низ дастгирӣ мекунад.
Айни замон сандуқи фаъоли Гуруҳи Бонки ҷаҳонӣ дар Тоҷикистон 19 лоиҳаро бо арзиши умумии 615,9 млн. доллари ИМА дар бар мегирад. Бонки ҷаҳонӣ барои идомаи дастгирии Ҷумҳурии Тоҷикистон омода аст, зеро кишвар кӯшиш ба харҷ медиҳад, ки зиндагии мардумро беҳтар намуда талаботи аҳолии ҷавон ва афзоишёбандаи худро қонеъ созад.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста