Вазорати нақлиёти Тоҷикистон изҳор мекунад, ки давомнокии вақти парвоз бо хатсайри Душанбе - Маскав ва Маскав - Душанбе баъди гуфтушуниди мақомоти авиатсионии кишварҳо, ки санаи 4 апрел дар Маскав баргузор шуд, мисли пешин барқарор шуда, боз 3 соату 46 дақиқаро ташкил медиҳад.
Ёдрас мекунем, ки қаблан бо қарори Росавиатсия муҳлати парвози ҳавопаймоҳои ширкатҳои тоҷикистонӣ зиёд шуда, «Тоҷик Эйр» ва «Сомон Эйр» зимни парвоз бояд аз дигар хатсайрҳои ҳавоии масофаашон нисбатан дарозтар истифода мекарданд.
Масалан, аз рӯи хатсайри нав муҳлати парвози ҳавопаймои ширкати тоҷикистонӣ то Маскав ба ҳисоби миёна - як соат (тахминан 5 соат мешавад) ва шаҳри Санкт-Петербург - тақрибан 40 дақиқа зиёд шуда буд.
Тавре ба «Азия-Плюс» Шералӣ Ганҷалзода, муовини вазири нақлиёти Тоҷикистон хабар дод, дар гуфтушуниди мақомоти авиатсионии кишварҳо натанҳо масъалаи шумори хатсайрҳои ширкатҳои ҳавопаймоӣ ва ҷадвали тобистонаи парвозҳо, балки давомнокии вақти парвозҳо низ баррасӣ шуд.
«Ҳамааш чун пешина барқарор шуд: ба ширкатҳои тоҷикистонӣ нуқтаҳои пешинаи вуруд/хориҷ барои хатсайрҳои мунтазам баргардонида шуд», - гуфт ӯ.
Зимнан илова шуд, ки ба ҷадвали мавсими тобистонаи парвозҳо 4 самти нав: Перм - Душанбе, Жуковский - Кӯлоб, Челябинск - Хуҷанд ва Краснодар - Хуҷанд илова шуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста