Пас аз иваз шудани раҳбарияти КВД «Нури Ховар» (собиқ «Заря Востока») хатҳои технологии ин корхона ба кор даромаданд.
Тавре ба «Азия-Плюс» аз корхонаи мазкур хабар доданд, айни замон дар корхона қубурҳои полиэтиленӣ ва ҳамчунин бо истифода аз ашёи хоми ҶДММ «Талко Кабель» дигар маҳсулоти саноатӣ истеҳсол мешавад.
«Аз ҷумла, кори хати истеҳсоли қубурҳои поливинилхлорид (ПВХ), резини техникӣ барои истеҳсоли қисмҳои эҳтиётии ҳама гуна навъҳои автомашинаҳо ва хокаи резинӣ барои майдончаҳои варзишӣ ва роҳҳои автомобилгард роҳандозӣ шуд», - гуфт манбаъ.
Ба гуфтаи ӯ, раҳбарияти «Нури Ховар» дар ҳамдастӣ бо Вазорати саноат ва технологияҳои нав, ҳамчунин дастгирии раиси вилояти Суғд ҷиҳати афзоиши иқтидорҳои истеҳсолӣ ва истеҳсоли маҳсулот, ҳамчунин таъсиси шумори бештари ҷойҳои нави корӣ аз тамоми имконоти мавҷуда истифода хоҳад кард.
Ёдрас мекунем, ки моҳи апрели соли равон дар ҳайати раҳбарии КВД «Нури Ховар» тағйирот сурат гирифт. Директори нави генералии корхона Парвиз Ҷабборзода таъин шуд. Корхона дар шаҳри Истиқлол (собиқ) Табошар воқеъ аст.
Айни замон КВД «Нури Ховар» яке аз корхонаҳои бузурги вилояти Суғд мебошад, ки молу маҳсулоти ниёзи мардум ва маҳсулоти таъиноти истеҳсоли ва техникӣ истеҳсол мекунад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста