Ширкати аграрии Delta Agrar аз Сербия имконоти сармоягузориро ба иқтисоди Тоҷикистон мавриди омӯзиш қарор медиҳад.
Бино ба маълумоти дафтари матбуоти Кумитаи давлатии сармоягузорӣ ва идораи амволи давлатии ҶТ, дар Кумита бо ҳайати намояндагони ширкати аграрии “Делта Аграр”-и Сербия вохӯрӣ баргузор гардид.
Гуфта мешавад, намояндагои ин ширкат ҷиҳати омӯзиши соҳаи кишоварзии мамлакат ва ба роҳ мондани ҳамкориҳо бо мақсади сармоягузорӣ намудан дар ин соҳаи муҳими иқтисодиёт аз 5 то 10 ноябри соли ҷорӣ ба Тоҷикистон ташриф овардаанд.
“Дар рафти вохӯрӣ оид ба нишондиҳандаҳои макроиқтисодии мамлакат, имкониятҳои сармоягузорӣ дар соҳаи кишоварзӣ, имтиёзҳои андозиву гумрукӣ барои сармоягузорон ва минтақаҳои озоди иқтисодии мамлакат маълумот дода шуд”, - омадааст дар хабар.
Қайд шудааст, ки дар Тоҷикистон барои соҳибкорону сармоягузорон 97 имтиёзу сабукиҳо пешбинӣ гардида, субъектҳои Минтақаҳои озоди иқтисодӣ аз ҳама намуд андозҳо озод мебошанд, ба истиснои андози иҷтимоӣ ва соҳаи кишоварзӣ яке аз соҳаҳои стратегии иқтисодиёти ҷумҳурӣ ба шумор рафта, 70 фоизи аҳолии мамлакат дар ин соҳа фаъолият менамоянд.
Сипас аз ҷониби ҳайати намояндагони ширкати аграрии “Делта Аграр”-и Сербия оид ба самти фаъолияти ширкат ва нақшаҳои сармоягузорӣ дар Ҷумҳурии Тоҷикистон маълумот дода шуд. Қайд гардид, ки ширкати “Делта Аграр” ҳамчун аъзои ширкати холдингии “Delta Holding” соли 1993 таъсис ёфта, яке аз ширкатҳои пешқадам дар соҳаи истеҳсоли маҳсулотҳои кишоварзӣ ба шумор меравад. Ширкати “Делта Аграр” дар бозорҳои Иттиҳоди Аврупо, Руссия ва Швейтсария пурсамар фаъолият намуда истодааст. Соҳаи кишоварзии Тоҷикистон, аз ҷумла самти истеҳсоли меваҷоту сабзавот қобили таваҷӯҳ буда, ширкат мақсад дорад, ки дар ин самт сармоягузорӣ намояд.
Дар фарҷоми вохӯрӣ ба ҳайати намояндагони ширкати аграрии “Делта Аграр”-и Сербия маводҳои иттилоотӣ оид ба имкониятҳои сармоягузории Тоҷикистон тақдим карда шуда, аз ҳайати намояндагони ширкат даъват ба амал оварда шуд, ки онҳо барои аз наздик шинос гардидан бо Минтақаҳои озоди иқтисодӣ ва амалӣ намудани лоиҳаи сармоягузорӣ бори дигар ба Ҷумҳурии Тоҷикистон ташриф оваранд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Кулли ахбор
Авторизуйтесь, пожалуйста