Имрӯз, 14 ноябр як гурӯҳи рӯзноманигорон субҳи барвақт ба майдони сохтмони нерӯгоҳи барқи обии “Роғун” раҳсипор шуданд, то ки бо ҷараёни корҳои омодагӣ ба маросими ба истифода додани агрегати аввали ин иншооти пуршукуҳ аз наздик шинос шаванд.
Маросими расмии мавриди баҳрабардорӣ қарор гирифтани агрегати аввали нерӯгоҳ санаи 16 ноябр дар ҳузури Сарвари давлат Эмомалӣ Раҳмон доир мегардад. Ба ин маросим намояндагони кишварҳои хориҷӣ, аз ҷумла давлатҳои ҳамсарҳади иштирокчии лоиҳаи CASA-1000, созмонҳои байнулмилалӣ, кормандони намояндагиҳои дипломатии муқими кишвар ва журналистони васоити ахбори умумии хориҷии пешрафта даъват шудаанд.
Имрӯз дар майдони сохтмони нерӯгоҳи Роғун корҳои омодагӣ босуръат ҷараён доранд: агрегат аллакай аз реҷаи озмоишӣ гузашта, барои ба кор даровардан омода аст.
Ба қавли муҳандиси пешбари ҶСК “НБО Роғун” Саидшо Охунов, ҳаҷми оби захирашуда дар обанбори нерӯгоҳ кофист.
“Ҳаҷми об дар обанбор 214 млн. метри мукаабро ташкил медиҳад, ки ин миқдор барои ба кор даровардани агрегати якуми нерӯгоҳ кофист”, - мегӯяд ӯ.
Бино ба гуфтаи Охунов, шурӯъ аз соли 2008 то имрӯз барои амалисозии лоиҳаи сохтмони нерӯгоҳи Роғун ҳудуди 12 млрд. сомонӣ маблағ харҷ шудааст.
Баландии сарбанд айни замон беш аз 75 метрро ташкил медиҳад, ки ба кори муътадили турбина имкон медиҳад. Баъди анҷоми пурраи сохтмони иншоот баландии сарбанд то ба 335 метр мерасад. Агрегати якум дар марҳилаи аввал 80-120 Мвт нерӯи барқ истеҳсол хоҳад кард.
Айни замон тибқи маълумоти Охунов, ба ҷуз ширкати итолиёвии “Салини Импеҷило”, ки ба бунёди сарбанди нерӯгоҳ машғул аст, дар иншоот боз зиёда аз 70 корхонаҳои фаръӣ – ширкатҳо аз Эрону Русия, Чин, Олмон ва дигар кишварҳо кор мекунанд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста