Муовини вазири корҳои хориҷӣ ва ҳамкории байналмилалии Италия Манлио Ди Стефано дар маросими мавриди баҳрабардорӣ қарор гирифтани агрегати аввали нерӯгоҳи барқи обии Роғун, ки имрӯз, 16 ноябр доир мегардад, иштирок мекунад.
Рӯзи панҷшанбе Манлио Ди Стефано бо вазири рушди иқтисод ва савдои Тоҷикистон Неъматулло Хикматуллозода мулоқот карда, зимни вохӯрӣ ҷонибҳо доир ба ҳамкориҳои тиҷоратӣ-иқтисодӣ, аз ҷумла ҷалби сармояи хориҷӣ, тақвияти ҳамкорӣ дар соҳаи кишоварзӣ, саноат, энергетика, сайёҳӣ ва ғайра мубодилаи афкор намуданд.
Қобили зикр аст, ки ба бунёди яке аз иншооти муҳиму асосии нерӯгоҳи Роғун – сарбанди он ширкати итолиёвии Salini Impregilo машғул аст.
Манлио Ди Стефаноро рӯзи панҷшанбе вазири корҳои хориҷии Тоҷикистон Сироҷиддин Муҳриддин ба ҳузур пазируфта, зимни суҳбат ҷонибҳо доираи васеи масъалаҳои густариши ҳамкориҳои иқтисодию тиҷоратӣ, муколамаи сиёсӣ, гуманитарӣ ва амниятиро миёни ду кишвар мавриди муҳокима қарор доданд.
Хотиррасон мекунем, ки имрӯз соати 18:00 мавриди истифода қарор гирифтани агрегати аввали нерӯгоҳи барқи обии Роғун бо иштироки Президенти Тоҷикистон Эмомалӣ Раҳмон дар назар аст.
Ба ин маросим намояндагони кишварҳои хориҷӣ, аз ҷумла давлатҳои иштирокчиёни лоиҳаи CASA-1000, созмонҳои байнулмилалӣ, кормандони намояндагиҳои дипломатии муқими кишвар ва журналистони васоити ахбори умумии хориҷии пешрафта даъват шудаанд.
Дар маросими ба истифода додани агрегати аввали нерӯгоҳи Роғун муовини аввали сарвазири Афғонистон Муҳаммад Хон, вазири хоҷагии оби Ӯзбекистон Шавкат Ҳамроев, муовини вазири энергетикаи Русия Андрей Черезов ва ноиби президенти Бонки ҷаҳонӣ Сирл Мюллер низ ҳузур хоҳанд дошт.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста