Ҳукумати Тоҷикистон бо қарори худ дастур дод, ки созишномаи ҳамкорӣ бо ҳукумати Ӯзбекистон дар соҳаҳои саноат ва технологияҳои нав тасдиқ шуда, баҳри амалисозии он тадбирҳои зарурӣ андешида шавад.
Дар қарор ҳамчунин супориш дода шудааст, ки Ӯзбекистон дар бораи аз ҷониби Тоҷикистон иҷро шудани расмиёти дохилидавлатии зарурӣ барои мавриди амал қарор гирифтани созишнома огаҳ карда шавад.
Матни созишнома охири ҳафтаи гузашта дар портали иттилооти ҳуқуқии Вазорати адлияи Тоҷикистон нашр шуда, дар он доир ба татбиқи муштараки лоиҳаҳо дар соҳаҳои саноати сабуку хӯрокворӣ, сохтмон, истихроҷи маъданҳо, энергетика ва мошинсозӣ сухан меравад.
Ғайр аз ин, дар созишнома таҳия ва амалисозии лоиҳаҳо дар самти таҳвилу таъмин бо техникаву технологияи коркард пешбинӣ шудааст.
Барои роҳандозӣ ва рушди робитаҳои мустақим байни доираҳои тиҷоратии кишварҳо, ташкили ярмаркаву намоиши маҳсулоти саноатӣ, ҳамоишҳои доираҳои тиҷоратӣ фароҳам сохтани шароити зарурӣ ба нақша гирифта шудааст.
Ҷонибҳо барои рушди ҳамкорӣ бо истифода аз технологияҳои инноватсионӣ дар истеҳсоли маҳсулоти саноатӣ тадбирҳо хоҳанд андешид. Ин ҷо дар бораи таҳияи лоиҳаҳои муштарак ва татбиқи амалии онҳо сухан меравад.
Ёдрас мекунем, ки тобистони соли гузашта зимни сафари президенти Ӯзбекистон Шавкат Мирзиёев ҳукумати ҳар ду кишвар дар бораи таъсиси ширкати муштараки сармоягузорӣ бо суроғаи ҳуқуқӣ дар Душанбе ҷиҳати маблағгузорӣ ба лоиҳаҳои муштарак дар қаламрави Тоҷикистон созишнома ба тасвиб расониданд.
Маблағи сармояи оинномавии “Ширкати сармоягузории Тоҷикистону Ӯзбекистон” дар ҳаҷми 12 млн доллар ба нақша гирифта шуд.
Муассисони ширкат Фонди таҷдид ва рушди Ӯзбекистон бо 75%-и ҳисса ва КВД “Тоҷинвест” бо 25%-и ҳисса мебошанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста