Дар Маскави Нав назди Маркази бисёрсоҳавии муҳоҷирати «Сахарово» ба гумони даст доштан дар муноқишаи оммавӣ рӯзи 22 май садҳо муҳоҷирон боздошт шуданд.
Ҳомии ҳуқуқ Маринав Павлова ба «Новая газета» дар ин робита гуфтааст, боздоштшудагонро бо се автобус бурдаанд, ки дар ҳар кадомаш 50-нафарӣ муҳоҷирон буданд. Ба гуфтаи ӯ, боздоштшудагон изҳор кардаанд, ки дар ҳеҷ як занозание иштирок накарда, аз он ҳатто огаҳӣ надоранд ва ба марказ барои ба расмият даровардани ҳуҷҷатҳояшон омадаанд.
«Яке аз боздоштшудагон, шаҳрванди Украина Қандил Ҳамдамов изҳор доштааст, ки муҳоҷиронро дар баромадгоҳ боздошт намуда, миёни онҳо ягон нафар бо аломатҳои иштиргок дар занозанӣ ҳузур надорад», - саҳеҳ кардааст Павлова.
Навбатдори шуъбае, ки шаҳрвандони хориҷиро ба он ҷо овардаанд, иттилоъ додааст, ки боздоштшудагонро ба шуъбаҳои гуногун бурда истодаанд. Дар ду шуъба хабар додаанд, ки 30 нафарро наздашон овардаанд, илова кардааст ҳомии ҳуқуқ.
«Шумори боздоштшудагонро алҳол мо дақиқ намедонем. Дар шуъба изҳор доштанд, ки раҳбарияти Раёсти корҳои дохилӣ дар маҳалли ҳодиса ба боздошти шаҳрвнадони хориҷӣ супориш додааст», - иброз доштааст ӯ ва аз қавли шоҳидон илова кардааст, ки занозанӣ миёни таксиронҳои маҳаллӣ рух додааст.
Дар ҳамин ҳол, «Эхо Москвы» хабар медиҳад, ки шояд Дастаи таъиноти махсуси милитсия (ОМОН) ба маълумоти шоҳидон дар бораи муноқиша байни таксиронҳои маҳаллӣ каме дуртар аз марказ ба ин амал даст задааст.
Ғайр аз ин, зикр мегардад, ки шояд боздошт дар партави овозаҳо доир ба «поккорӣ», ки гӯё пулиси Маскав пеш аз Чемпинати ҷаҳон оид ба футбол-2018 мегузаронад, сурат гирифтааст.
«Новая газета» қайд мекунад, ки ҳомиёни ҳуқуқ афзоиши ҳодисаҳои боздошти муҳоҷирон дар Русия ва ихроҷи онҳоро пеш аз Чемпионат пешгӯӣ мекунанд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста