Нисбати се корманди бозори «Султони Кабир» аз рӯи далели сар задани сӯхтор ВКД Тоҷикистон мутобиқи моддаи 256-и Кодекси ҷиноии ҶТ (Аз беэҳтиётӣ несту нобуд ё вайрон кардани молу мулк) парвандаи ҷиноӣ боз намуд.
«Онҳо дар несту нобуд ё вайрон кардани молу мулк дар натиҷаи муносибати беэҳтиётона бо оташ, дигар сарчашмаи хатараш зиёд, ки ба зиёни бузург ё оқибатҳои вазнин боис гардид, айбдор дониста мешаванд», - хабар дод ба «Азия-Плюс» як манбаъ аз Сарраёсати хадамоти оташнишонии ВКД Тоҷикистон.
Ба онҳо дар шакли ҷарима ба маблағи то 50 ҳазор сомонӣ ё маҳрумият аз озодӣ ба муҳлати то 2 сол ҷазо таҳдид мекунад.
Бино ба гуфтаи манбаъ, тақрибан ду моҳ пеш аз сӯхтори санаи 2 июн нозирони Сарраёсати оташнишонӣ аз рӯи натиҷаҳи санҷиши доиргардида дар бозори «Султони Кабир» се нафар масъулони таъмини бехатарии сӯхторро аз нуқсу камбудиҳои ҷойдошта огоҳ кардаанд.
«Санҷиши баъди сӯхтор нишон дод, ки ин кормандон ҷиҳати бартараф кардани нуқсу камбудиҳои қаблан ошкоршуда ҳеҷ тадбире наандешидаанд», - қайд кард манбаъ.
Ёдрас мекунем, ки шоми рӯзи 2 июн дар Маркази савдои бозори «Султони Кабир» сӯхтор сар зада, он масоҳати 1230 метри мураббаъро фаро гирифт. Дар натиҷа ба анборҳо ва 21 адад дӯкону мағозаҳо зарари моддӣ расонда шуд. Талафоти ҷонӣ ба қайд гирифта нашудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Боздошти 15 нафар барои қасди ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста