Пагоҳ, санаи 20 сентябр дар Душанбе ҷаласаи Шӯрои ҳамоҳангсози прокуророни генералии кишварҳои узви Иттиҳоди Давлатҳои Мустақил (ИДМ) доир мегардад, хабар медиҳад хадамоти матбуоти Кумитаи иҷроияи ИДМ.
Гуфта мешавад, дар рӯзномаи ҷаласа 17 банд зикр шудааст, аз ҷумла табодули таҷриба дар соҳаҳои гуногуни фаъолияти прокурорӣ, баррасии масъалаи ба Академияи мақомоти ҳифзи ҳуқуқи назди Прокуратураи генералии Қазоқистон додани мақоми ташкилоти заминавиии кишварҳои ИДМ оид ба бозомӯзӣ ва такмили ихтисоси кормандони мақомоти прокурорӣ ва тафтишотии мақомоти прокуратураи кишварҳои узви Иттиҳод ва ба Донишгоҳи прокуратураи Русия додани мақоми ташкилоти заминавии кишварҳои ИДМ оид ба омодагӣ, бозомӯзӣ ва такмили ихтисоси кормандони мақомоти прокуратура.
Иштирокчиёни ҷаласа аз амалисозии барномаҳои муштарак дар самти мубориза бо ҷинояткорӣ, терроризм ва дигар зуҳуроти ифротгароӣ, гардиши ғайриқонунии маводи нашъаовар, хариду фурӯши одамон, муҳоҷирати ғайриқонунӣ, ҷиноятҳои содиршуда бо истифода аз технологияҳои иттилоотӣ, ҳамчунин тадбирҳо ҷиҳати таъмин амният дар сарҳадҳои беруна натиҷагирӣ мекунанд.
Ғайр аз ин, аъзои Шӯро атрофи масоили такмили ҳамкорӣ дар мубориза бо коррупсия, ҳимояи ҳуқуқи шаҳрвандони берун аз ҳудуди давлатҳо қарордошта, иҷрои шартномаҳои байнулмилалӣ табодули назар намуда, Нақшаи кори Шӯрои ҳамоҳангсози прокуророни генералии кишҳварҳоро барои солҳои 2019-2023 тасдиқ мекунанд.
Шӯрои ҳамоҳангсози прокуророни генералии кишварҳои узви ИДМ соли 1995 таъсис дода шуд. Ба ҳайати он намояндагони Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон ва Ӯзбекистон дохил мешаванд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста