Иззат Амон бо иттиҳоми "қаллобӣ" 6 соли дигар зиндон шуд. Ҳукм рӯзи 6-уми июн дар Додгоҳи ноҳияи Исмоили Сомонии шаҳри Душанбе эълон шуд. Дар ин бора Радиои Озодӣ бо такя ба манобеаш хабар додааст.
Пештар ӯро бо ҳамин гуноҳ нӯҳ сол аз озодӣ маҳрум карда буданд.
Гуфта мешавад, ки мурофиа рӯзи душанбе бо ҳузури вакили мудофеъ, пайвандон ва даъвогарон гузаштааст.
Маҳмадюсуф Холов, писари Иззат Амон, рӯзи 6-уми июн ба Радиои Озодӣ гуфтааст, ки омода буданд, пули даъвогаронро дар ҳузури додрасу додситонӣ пардозанд, “вале бе ягон пурсишу посух ҳукмро хонданду рафтанд.”
Яке аз даъвогарон ҳам ба ин расона гуфтааст, онҳоро наздикони Иззат Амон ба мурофиа хоста буданд, то биоянду пулҳои худро бигиранд.
“Додрас назари моро напурсид ва ҳукмро эълон кард. Машварат карда будем, ки дар толори додгоҳ маблағамонро мегирем," – афзудааст даъвогар ба Радиои Озодӣ.
Ёдовар мешавем, ки Иззат Амон рӯзи 19 октябри соли 2021, бо қарори Додгоҳи шаҳри Душанбе 9 сол равонаи зиндон гардид. Додгоҳи олии Тоҷикистон ҳукми Иззат Амонро бетағйир гузошт.
Иззат Амон, роҳбари "Маркази тоҷикон" дар Маскав ва яке аз ҳомиёни ҳуқуқи муҳоҷирон дар Русия рӯзи 25-уми март дар Русия нопадид шуд ва баъдан ВКД Тоҷикистон гуфт, ӯро дар Душанбе боздошт ва алайҳи ӯ бо гумони "қаллобӣ ба миқдори махсусан калон" (қисми чаҳори моддаи 247-и Кодекси ҷиноӣ) парванда боз кардааст.
Боздошти 15 нафар барои қасди ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста