Рӯзноманигорон Далери Имомалӣ ва Абдуллоҳ Ғурбатӣ ба муддати ду моҳ ба ҳабси пешакӣ гирифта шуданд, хабар дод ба “Азия-Плюс” адвокати онҳо Абдураҳмон Шарипов.
Ба гуфтаи ӯ, ба парвандаи Далери Имомалӣ, ки з ҷониби прокуратураи шаҳри Душанбе мутобиқи моддаи 259, қисми 1 (Соҳибкории ғайриқонунӣ) ва аз ҷониби прокуратураи ноҳияи Шоҳмансур бо моддаи 346, қисми 1, банди “А” (Дидаю дониста расонидани хабари бардурӯғ) боз шуда буд, моддаи нав - 307 прим 3 қисми 2 (иштирок дар фаъолияти ҳизбҳои сиёсӣ, иттиҳодияҳои ҷамъиятӣ ва динии мамнуъ") илова гардидааст.
Нисбати Абдуллоҳи Ғурбатӣ бар асоси аризаи корманди ШКД ноҳияи Шоҳмансур аз ҷониби прокуратураи ҳамин ноҳия бо моддаи 328, қисми 1 (Истифодаи зӯроварӣ ба муқобили намояндаи ҳокимият) парванда боз шудааст.
Қаблан Далери Имомалӣ қисман ба гуноҳи худ иқрор шуда, Абдуллоҳ Ғурбатӣ, ки ба ҳайси наворбардор бо Д.Имомалӣ кор мекунад, иттиҳомро рад мекунад.
“Ман ягон ният ё мақсади муноқиша бо кормандони милитсияро надоштам. Маро ҷавоб доданд ва ман хостам, ки аз бино берун шавам, лекин дар назди постгоҳ бо корманди милиса дучор шудам, ки ӯ пеши роҳамро гирифт. Баъдан маро дастгир карда, ба бино ворид карданд. Пас аз он эьлон карданд, ки гӯё ман корманди милитсияро зада бошам”, - гуфтааст Абдуллоҳ Ғурбатӣ ба адвокат.
Ёдрас мекунем, ки рӯзи 4 июн Далери Имомалӣ хабар дода буд, ки аз ҷониби кормандони милитсияи ноҳияи Шоҳмансур боздошт шуд ва баъдан мавриди лату кӯб қарор гирифт.
Ӯ ҳангоми кӯшиши таҳияи гузориши видеоӣ дар бораи қабули шаҳрвандон дар ҳукумати ноҳияи Шоҳмансур боздошт шуда буд.
Ба дастгирии блогер ва дигар журналистон, ки мавриди лату кӯб ва таҳқир қарор гирифтанд, ҷомеаи рӯзноманигорӣ садо баланд кард.
Раиси Ҳизби демократи Тоҷикистон Саидҷаъфар Усмонзода дар навбати худ бо дархости санҷиши мӯшикофонаи ин ҳодиса ба раиси Маҷлиси миллии Маҷлиси Олии ҷумҳурӣ Рустами Эмомалӣ муроҷиат намуд.
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Кулли ахбор
Авторизуйтесь, пожалуйста