Ду шаҳрванди Тоҷикистон, ки дар истгоҳи метрои "Тулская" 17 феврали соли ҷорӣ бо маъмурони пулис муноқиша карда буданд, бо қарори додгоҳи Симоновскийи Маскав ба мӯҳлати 3,5 ва 2,5 соли зиндон маҳкум шуданд.
Дар ин бора ТАСС бо такя ба дафтари матбуоти додситонии Маскав хабар медиҳад.
"Бо назардошти мавқеи прокурори давлатии Прокуратураи метрои Маскав, суд Умари Расулҷонзода ва Саидакрам Ҳамроевро тибқи қисми 1 моддаи 318 Кодекси ҷиноятии Федератсияи Русия (истифодаи зӯроварӣ нисбати намояндаи мақомот, ки барои ҳаёташ хатарнок нест) гунаҳкор донистааст",- менависад манбаъ.
Гуфта мешавад, ки додгоҳ Умари Расулҷонзодаро ба 3 солу 6 моҳ ва Саидакрам Ҳамроевро ба 2 солу 6 моҳ бо адои ҷазо дар муассисаи ислоҳии низомаш умумӣ, аз озодӣ маҳрум кард.
Гуфтан ба маврид аст, ки 17-уми феврали соли равон расонаҳои русӣ аз муноқишаи бародарон Саидакрами 21-сола ва Умари 18-сола бо кормандони полис дар истгоҳи метрои "Тулская" иттило дода буданд.
Дар наворе, ки аз маҳалли ҳодиса нашр карда шуд, дида мешавад, ду полис як ҷавонро ба шикам хобонда, кӯшиши бастани дастонашро доранд. Дар ҳамон вақт ҷавони дигар аз дур давида, барои раҳоии бародараш кӯшиш мекунад ва бо кормандони полис вориди муноқиша мешавад.
Бояд гуфт, ки яке аз ҷавонҳо дар ҷойи ҳодиса, дуюмӣ рӯзи дигар дастгир карда шуд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста