Президенти Тоҷикистон Эмомалӣ Раҳмон ба президенти Озарбойҷон Илҳом Алиев ба муносибати пирӯзиаш дар маъракаи интихоботи президенти ин кишвар барқияи табрикӣ ирсол намуд.
Бино ба иттилои хадамоти матбуоти сарвари давлат, дар барқияи Эмомалӣ Раҳмон қайд мешавад, ки Мардуми Озарбойҷон бо овоздиҳии худ дар интихобот бори дигар эътимоди олиашро ба сиёсати роҳандозишуда, ки ба шукуфоии бемайлони кишвар ва таҳкими обрӯю эътибори он дар арсаи байналмилалӣ нигаронда шудааст, нишон дод.
«Ба туфайли заҳмату талошҳои бисёрсолаи Шумо Озарбойҷон дар роҳи рушди иҷтимоиву иқтисодии хеш ба комёбиҳои назаррас ноил гардид ва мо аз чунин дастовардҳои дӯстони худ сидқан хушнуд ҳастем», - омадааст дар барқия.
Дар барқия изҳори итминон мешавад, ки ҳамкории Тоҷикистон ва Озарбойҷон бар манфиатҳои ду кишвар дар солҳои оянда низ масири густариши нав касб карда, бо ин мақсад Тоҷикистон омода аст, ки дар якҷоягӣ бо Озарбойҷон тамоми талошҳои заруриро ба харҷ диҳад.
Бино ба иттилои Бахши хабарии Осиёи Марказӣ бо истинод ба маълумоти Комисияи марказии интихоботӣ ва раъйпурсии (КМИР) Озарбойҷон, шумориши 94 дарсади раъй нишон додааст, ки Илҳом Алиев 86 дарсади овози мардумро соҳиб шудааст.
КМИР изҳор доштааст, ки дар интихобот 74,5 дарсади сокинони ҳаққи раъй ширкат карданд. Илҳом Алиев, ки соли 2003 сари қудрат омад, бори чаҳорум дар курсии президентӣ боқӣ хоҳад монд.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста