Солҳои 2028-2029 Тоҷикистон ба ҳайати кишварҳои аъзои ғайридоимии Шӯрои амнияти СММ дохил шуданист, хабар дод ба «Азия-Плюс» як манбаъ аз ҳукумати ҷумҳурӣ.
Бино ба иттилои манбаъ, имрӯзҳо Тоҷикистон барои дастгирии номзадиаш ҷиҳати интихоб ба сифати аъзои ғайридоимии Шӯрои амнияти СММ бо созмонҳои бонуфузи байнулмилалӣ ва давлатҳои узви СММ гуфтушунид дорад.
Дар нишасти сарони кишварҳои узви СҲШ дар шаҳри Синдао роҳбарони созмон аз ниятҳои Тоҷикистон ҷонибдорӣ намуданд.
Дар баробари Тоҷикистон Қирғизистон низ номзадиашро ба узви ғайрдоимии Шӯрои амнияти СММ пешбарӣ карданист.
«Кишварҳои узви СҲШ нияти Тоҷикистону Қирғизистон доир ба пешбарии номзадиашонро ба аъзои ғайридоимии Шӯрои амнияти СММ қайд карданд», - омадааст дар баёнияи Шӯрои сарони кишварҳо узви СҲШ дар Синдао аз 10 июни соли 2018.
Ба ҳайати Шӯрои амнияти СММ 15 давлат шомиланд, ки 5-тоашон - Чин, ИМА, Русия, Фаронса ва Британияи Кабир узви доимӣ мебошанд. Боқимонда 10 кишвари дигар дар Маҷмааи умумӣ интихоб шуда, панҷтои онҳо ҳар сол иваз мешаванд.
Ҳамасола санаи 2 март ҳамчун рӯзи узвияти Тоҷикистон ба СММ қайд карда мешавад. Рӯзи 29 январи соли 1992 зимни иҷлосияи Шӯрои амнияти СММ дар бораи пазируфта шудани Тоҷикистон ба сифати аъзои баробарҳуқуқи СММ қатънома қабул шуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста