Ҳайати парлумонии Ӯзбекистон таҳти сарварии раиси Кумитаи сенати ин кишвар оид ба масоили мудофиа ва амният, роҳбари Гурӯҳи дӯстии парлумони Ӯзбекистон бо парлумони Тоҷикистон Фаррух Додохӯҷаев нимаи моҳи ноябр ба Душанбе ташриф меорад.
Тавре ба “Азия-Плюс” роҳбари Гурӯҳи дӯстии парлумони Тоҷикистон бо парлумони Ӯзбекистон, вакили палатаи поёнии парлумони ҷумҳурӣ Зуфар Исмоилзода хабар дод, сафари ҳайати парлумонии кишвари ҳамсоя бори нахуст дар доираи тавофуқҳои ҳосилшуда байни сарони кишварҳо Эмомалӣ Раҳмон ва Шавкат Мирзиёев сурат мегирад.
Қобили зикр аст, ки Гурӯҳи дӯстии парлумони Тоҷикистон бо парлумони Ӯзбекистон аввали солҳои 2000-ум таъсис ёфта, гурӯҳи ба ин монандро ҷониби Ӯзбекистон аввали соли равон таъсис дод.
Зимни сафари ҳайати парлумони Ӯзбекистон ба Душанбе ҷонибҳо ният доранд, ки масъалаҳои ҳамкории мутақобила дар самти қонунофарӣ, табодули таҷриба ва роҳандозии робитаҳои мустақим байни вакилони мардумиро баррасӣ кунанд.
Ҳамчунин дар назар аст, ки охири сол ҳайати парлумониии Тоҷикистон низ бо сафари ҷавобӣ ба Ӯзбекистон меравад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста