Иҷрокунандаи вазифаи вазири мудофиаи толибон Муҳаммад Яъқуб дар тамрини ҳарбӣ-ҳавоии рӯзи 11 январ изҳор доштааст, ки ҳавопаймоҳои онҳо, ки дар Тоҷикистон ё Ӯзбекистон қарор доранд, бояд баргардонида шаванд.
“Мо намегузорем, ки ин ҳавопаймоҳо дар хориҷа бимонанд ва ё аз ҷониби ин кишварҳо истифода шаванд”, - овардааст гуфтаҳои ӯро шабакаи телевизионии TOLOnews.
Ба иттилои манбаъ, ӯ огоҳ кардааст, ки агар кишварҳое, ки ҳавопаймоҳо дар он ҷо қарор доранд, онҳоро барнагардонанд, ба оқибатҳояш дучор хоҳанд шуд.
Гуфта мешавад, моҳи августи соли гузашта пас аз сарнагун шудани ҳукумати пешинаи Афғонистон ба ин ду кишвар зиёда аз 40 чархбол парвоз кард.
Тавре ки TOLOnews ишора мекунад, неруҳои пешинаи ҳарбӣ-ҳавоии Афғонистон 164 ҳавопаймо ва чархбол дар ихтиёр дошта, ҳоло бошад, танҳо 81 адад боқӣ мондааст.
“Боқимонда аз Афғонистон ба кишварҳои гуногун рабуда шуданд”, - изҳор менамоянд толибон.
Сафири Афғонистон дар Тоҷикистон Муҳаммад Зоҳири Ағбар 18-уми августи соли 2021 ба “Азия-Плюс” оварда шудани ин чархболҳоро ба Тоҷикистон таъйид карда буд ва гуфта буд, ки аксари ин чархболҳо низомиянд. Аммо сафир гуфта буд, ки теъдоди дақиқашро намедонад.
Қобили зикр аст, ки аз тирамоҳи соли гузашта Толибон, ки дар моҳи август қудратро ба даст оварда буданд, талош доранд ҳавопаймоҳои нерӯҳои ҳавоии собиқи Афғонистонро баргардонанд. Бо ин ҳавопаймо ва чархболҳо низомиёни ҳукумати пешин ба кишварҳои ҳамсоя фирор карданд.
Ба мо то ҳол муяссар намешавад, ки дар мавриди ин масъала аз Вазорати корҳои хориҷӣ ва Вазорати мудофиаи Тоҷикистон шарҳе бигирем.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста