Шоҳкарим Оқохони 4, раҳбари исмоилиёни ҷаҳон, гуфтааст, ҳаводиси ахири Тоҷикистон барояш "бисёр нигаронкунанда аст", дар ҳоле ки ба қавли ӯ, "ноустуворӣ дар минтақа афзоиш ёфтааст".
Паёми Оқохони 4 ба унвони роҳбарони сохторяҳояш равона гардида, дар сомонаи расмии сохторҳои ӯ - “The Ismaili” нашр шудааст.
Бадахшони Тоҷикистон яке аз калонтарин минтақаҳои исмоилинишин дар дунё аст.
Ин паёми Оқохонро рӯзи 17-уми январи имсол ба забонҳои инглисӣ ва тоҷикӣ нашр кардаанд. То ин дам мавқеи AKDN ё Шабакаи Оқохон дар умури рушд дар Тоҷикистон, нисбат ба ҳаводис ва вазъи ВМКБ рӯшан набуд.
Раҳбари исмоилиёни ҷаҳон дар паёмаш гуфтааст, мисли ҳамеша таҳаввулоти ҳозираро зери назорат қарор додааст ва дар мавриди зарурӣ "роҳнамоии минбаъда"-ро мефиристад. Аммо айни замон аз пайравонии тоҷикистонияш хоста, "дар ҳеҷ фаъолияте, ки ба халалдор гардидани барқарории сулҳ ва назму тартиботи хуб мегардад, ширкат накунанд".
"Бори дигар фармонамро ба Ҷамоат такрор мекунам, ки ҳар гуна хушунат, бетартибӣ, фаъолияти ғайриқонунӣ ва амалҳои дигарро, ки ба қонунҳои сарзамин мухолифанд, рад кунанд", – афзудааст ӯ.
Ёдрас мекунем, ки моҳи нобяри соли гузашта дар ноҳияи Роштқалъаи ВМКБ сокини маҳаллӣ Гулбиддин Зиёбеков зимни боздошт кушта шуда, ин ба норозигӣ ва даст ба тазоҳурот задани аҳолӣ боис гардид.
Эътирозҳо бо иштироки то 5 ҳазор нафар аз 25 то 28 ноябр ҷараён доштанд. Дар ин рӯзҳо ду сокини вилоят Тӯтишо Амиршоев ва Гулназар Муродбеков ба ҳалокат расида, боз чандин каси дигар захм гирифтанд.
Тибқи маълумоти расмии КДАМ, дар ҷараёни эътирозҳо 12 корманди мақомоти ҳифзи ҳуқуқ осеб дидаанд.
Дар мавриди ин ки ин шабу рӯзҳо дар Хоруғ чӣ гузашту мегузарад, дар сужаи мо бихонед.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста