Мулоқоти навбатии чоруми машваратии сарони кишварҳои Осиёи Марказӣ дар Қирғизистон баргузор мешавад. Дар ин хусус чанде пеш сарони кишварҳои Қирғизистон Садир Жапаров ва Ӯзбекистон - Шавкат Мирзиёев тариқи телефон гуфтугӯ карданд.
Баргузории нишасти навбатии сарони кишварҳои минтақа рӯзи 21 июл дар шаҳри Чолпон-Ато ба нақша гирифта шудааст.
Қобили зикр аст, ки тайи чанд рӯзи ахир сарони кишварҳои минтақа бо ҳамдигар тариқи телефон гуфтугӯ намуда, ба масъалаи омодагӣ ба нишасти сарони кишварҳои Осиёи Марказӣ таваҷҷуҳи хосса зоҳир намуданд.
Аз ҷумла рӯзи 30 июн ин масъала дар гуфтугӯи телефонии президенти Тоҷикистон Эмомалӣ Раҳмон ва президети Қирғизистон - Садир Жапаров мавриди баррасӣ қарор гирифт. Ин сӯҳбат бо ташаббуси ҷониби Қирғизистон сурат гирифт.
Нишасти сарони кишварҳои Осиёи Марказӣ (расман - Мулоқоти машваратии сарони кишварҳо) - вохӯрии ҳамасолаи сарони кишвари минтақа - Қазоқистон, Қирғизистон, Тоҷикистон, Туркманистон ва Ӯзбекистон мебошад.
Ташаббуси баргузории вохӯриҳои машваратӣ аз ҷониби Шавкат Мирзиёев моҳи сентябри соли 2017 дар иҷлосияи 72-уми Маҷмаи Умумии СММ дар Ню-Йорк пешниҳод гардида буд.
Маъмулан нишаст бонавбат дар яке аз ин панҷ кишварҳо доир мегардад. Нишасти аввал баҳори соли 2018 дар пойтахти Қазоқистон, вохӯрии дуюм - тирамоҳи соли 2019 дар Тошканд доир гардида, мулоқоти сеюм соли 2020 бояд дар Бишкек баргузор мешуд, лекин бар асари пандемияи коронавирус ба таъхир афтод.
Мулоқот моҳи августи соли 2021 дар шаҳри Аваз (Туркманистон) доир гардид. Вохӯрии навбатӣ тибқи нақша бояд дар Душанбе баргузор мешуд.
Дар ин вохӯриҳо ҷанбаҳои калидии рушди ҳамкориҳои мутақобилаи сиёсиву тиҷоратӣ ва иқтисодӣ, фарҳангӣ ва гуманитарӣ байни кишварҳо, таъмини амнияти минтақавӣ ва масоили мубрами ҳамкориҳои минтақавӣ ва байнулмилалӣ мавриди баррасӣ қарор мегиранд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста