Президенти Тоҷикистон Эмомалӣ Раҳмон имрӯз директори Китобхонаи миллии Тоҷикистон (КМТ) Сайфиддин Назарзодаро барои пуршукӯҳу ҳангомадор баргузор кардани тӯйи писараш аз мансаб сабукдӯш кард. Директори нави Китобхона аллакай ба кормандон муаррифӣ шуд.
Сайфиддин Назарзода, ки нимаи моҳи июли соли равон узви вобастаи Академияи илмҳои Тоҷикистон интихоб шуд, барои риоя накардани меъёрҳои қонун «Дар бораи танзими анъана ва ҷашну маросимҳо» аз кор озод карда шуд. Ӯ моҳи декабри соли 2014 ба ин вазифа таъин шуда буд.
Дар бораи ба қонуншиканӣ роҳ додан дар тӯйи писари Назарзода дар барномаи «Ахбор»-и шабаки телевизиони «Тоҷикистон» гузориш намоиш дода шуд.
Бино ба маълумоти шабакаи телевизион, тӯйи Фирдавс, писари Назарзода дар тарабхонаи «Шоира Люкс»-и пойтахт доир гардида, тибқи маълумоти журналистон, дар он беш аз 300 нафар ҳузур доштаанд, ҳарчанд қонун ба 150 нафар иҷоза медиҳад.
Баъди намоиши гузориш Сайфиддин Назарзода дар шабакаҳои иҷтимоӣ ва як қатор ВАО изҳор кард, ки ба қонуншиканӣ даст назадааст ва иттиҳомот нисбати ӯ кори дасти душманонаш мебошад.
Ҳамин рӯз бо фармони Президент, Абдусалом Мирализода директори нави Китобхонаи миллии Тоҷикистон таъин карда шуд. То ин замон ӯ ба ҳайси муовини ректори Донигоҳи миллии Тоҷикистон фаъолият дошт.
Қобили зикр аст, ки зимни суханронӣ дар мулоқот ба муносибати 10-солагии қабули Қонуни ҶТ «Дар бораи танзими анъана ва ҷашну маросимҳо дар ҶТ» Эмомалӣ Раҳмон Вазорати адлия, Маркази миллии қонунгузорӣ ва дигар сохтору мақомоти дахлдорро вазифадор кард, ки дар муддати ду моҳ хулосаҳои худро дар масъалаи аз вазифаҳои ишғолкардаашон озод кардани хизматчиёни давлатӣ, кормандони мақомоти ҳифзи ҳуқуқ ва сохторҳои низомӣ, инчунин, бамаротиб зиёд намудани маблағи ҷарима барои соҳибкорону сарватмандон, ходимони дин ва дигар шахсоне, ки талаботи қонунро риоя намекунанд, ба ҳукумат пешниҳод намоянд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста