Ҳодисаи фоҷеабори чанде қабл дар ноҳияи Данғара, ки ба ҳалокати сайёҳони хориҷӣ боис гардид, дар маҷлиси навбатии ҳукумат таҳти раёсати Президенти мамлакат Эмомалӣ Раҳмон баррасӣ шуд.
Бино ба иттилои хадамоти матбуоти Сарвари давлат, Президенти мамлакат Эмомалӣ Раҳмон ба хотири қурбониёни ин ҳодисаи фоҷеабор дақиқаи хомӯшӣ эълон кард.
Гуфта мешавад, сипас, оид ба рафти тафтишоти ҳодиса гузориши Прокурори генералии Тоҷикистон Раҳмон Юсуф, Вазири корҳои дохилӣ Раҳимзода Рамазон ва Раиси Кумитаи давлатии амнияти миллӣ Саимумин Ятимов шунида шуд.
Таъкид гардид, ки бо дастури Пешвои миллат аз ҳисоби сохторҳои ҳифзи ҳуқуқ, амният ва мақомоти прокуратура гурӯҳи махсуси фаврӣ - ҷустуҷӯӣ таъсис дода шуд. Барои ошкор ва ба ҷавобгарӣ кашидани гунаҳкорон парвандаи ҷиноӣ кушода шуда, дар кутоҳтарин муҳлат чанд тан аз аъзои гурӯҳи ҷинояткор дастгир шуд.
Дастур дода шуд, ки дар саросари кишвар тартиботи ҷамъиятӣ таъмин ва тадбирҳои амниятӣ пурзур карда шавад.
Ёдрас мекунем, ки бар асари ҳамла ба як гурӯҳи сайёҳони хориҷии велоспедрон дар ноҳияи Данғара 4 нафар ба ҳалокат расида, се тани дига ҷароҳат бардоштанд.
Дар ҷараёни амалиёти махсуси сохторҳои қудратии кишвар чор нафар ҷинояткорон кушта, боз чанд каси дигар ба гумони даст доштан дар ин амал боздошт шуданд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста