Пас аз тамринҳои бузургмиқёси низомӣ дар минтақаи шимоли ҷумҳурӣ 7 нафар раисони ноҳияҳои вилояти Суғд ба унвони афсари эҳтиётӣ соҳиб шуданд.
Тавре ба “Азия-Плюс” котиби матбуотии Вазорати мудофиаи ҶТ полковник Фаридун Маҳмадализода хабар дод, унвонҳои аз лейтенант то подполковники эҳтиётӣ ба раисиони ноҳияҳо аз ҷониби вазири мудофиаи ҷумҳурӣ Шералӣ Мирзо дода шуда, раиси вилоят Абдураҳмон Қодирӣ бо ифтихорномаи Вазорати мудофиаи қадрдонӣ гардидааст.
Қобили зикр аст, ки тамринҳои низомӣ аз 14 то 17 август дар ду машқгоҳи Суғд - Чоруқдарон ва Нурафшон доир гардида, дар онҳо ҳамаи қисмҳои низомии гарнизони Суғд, кормандони сохторҳои қудратӣ ва афсарону сарбозони эҳтиётӣ аз тамоми шаҳру навоҳии вилоят иштирок кардаанд.
Дар маҷмӯъ ба ин тамринҳо беш аз 30 ҳазор нафар афсарону сарбозон, 10 адад авиатсияи ҷангӣ, 200 адад техникаи зиреҳпӯш, 70 адад артилеррия ва 450 адад автомашинаҳои низомӣ сафарбар шудааст.
Ба ҷузъу томҳое, ки ба ин тамринҳо сафарбар шуданд, шахсан вазири мудофиаи Тоҷикистон Шералӣ Мирзо фармондеҳӣ кардааст.
Дар тамринҳо тарзу усулҳои муҳосира ва несту нобуд кардани гурӯҳҳои мусаллаҳи ҷиноятпешаи ба қаламрави вилоят воридшуда, масъалаҳои ташкили мудофиаи қаламрав ва сафарбарии афсарону сарбозону эҳтиётӣ мавриди таҷрибаву омӯзиш ва амал қарор дода шуданд.
Зимни ҷамъбасти натиҷаҳои тамрин Шералӣ Мирзо қайд кардааст, ки баҳри таъмини ҳаёти осоиштаи аҳолӣ, сулҳу субот ва тартиботи ҷамъиятӣ дар қаламрави кишвар, сарбозону афсарони Қувваҳои Мусаллаҳи Тоҷикистон, намояндагони тамоми сохторҳои қудратии ҷумҳурӣ ва хизматчиёни ҳарбии эҳтиётии артиши миллӣ бояд ҳамеша ба сар задани ҳама гуна ҳолат омода бошанд.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста