Ду нафар мардон ва як нафар занро хадамоти махсуси Афғонистон ду моҳ пеш боздошт карда буданд. Айни замон онҳо дар Душанбе қарор дошта, нисбаташон мутобиқи моддаи «Зархаридӣ» парвандаи ҷиноӣ боз шудааст.
Тавре ба «Азия-Плюс» як манбаъ аз сохторҳои қудратии ҷумҳурӣ дар ин робита иттилоъ дод, сокини 34-солаи ноҳияи Муъминобод Сафаргул Одинаева ва писараш - Умари 5-сола, сокини 33-солаи шаҳри Ҳисор Хушнуд Махсумов ва сокини 31-солаи шаҳри Душанбе Ҷамолиддин Ҳасановро хадамоти махсуси Афғонистон ба гумони даст доштан дар терроризм ҳанӯз ду моҳ пеш боздошт намуда буданд.
«Боздоштшудагонро мақомоти Афғонистон ҳафтаи гузашта ба ихтиёри Тоҷикистон супурда, Умари ноболиғ ба волидони модараш дода шуд», - гуфт манбаъ.
Ба иттилои манбаъ, нисбати истирдодшудагон, ки дар боздоштгоҳи муваққатӣ (СИЗО)-и шаҳри Душанбе нигаҳдорӣ мешаванд, мутобиқи моддаи 401-и Кодекси ҷиноятии Тоҷикистон (Зархаридӣ) парвандаи ҷиноӣ оғоз гардидааст.
Зимнан зикр гардид, ки то имрӯз маълум шудааст, ки онҳо ба Афғонистон тариқи транзит бо Россия ва Эрон рафтаанд. Хадамоти махсуси Афғонистон аз онҳо шиносномаҳои қалбакии афғониро мусодира намудаанд. Аз шарҳи ҷузъиёти дигари масъала манбаъ худдорӣ кард.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста