Дар ноҳияи Вахш шаби 19 феврал шахсони номаълум парчамҳои созмони фаъолияташ дар қаламрави Тоҷикистон манъшудаи Давлати исломӣ (ДИ)-ро парафшон карданд.
Тибқи маълумоти ғайрирасмӣ, парчамро ба болои дарвозаи яке аз корхонаҳо овехтаанд, ки ба он Нусратулло Саидов, бародарзодаи собиқ пешвои Иттиҳоди нерӯҳои мухолифини тоҷик, муассиси ҲНИТ марҳум Сайид Абдуллоҳи Нурӣ роҳбарӣ мекунад.
Ба иттилои як манбаъ дар мақомоти ҳифзи ҳуқуқ, ба гумони даст доштан дар ин амал се нафар сокинони ноҳияи Вахш боздошт шудаанд.
«Мақомоти ҳифзи ҳуқуқ аз рӯи ин далел санҷиш гузаронида, дигар иштирокчиёни ин амали ҷинояткоронаро ҷустуҷӯ доранд», - гуфт ӯ.
Мақомоти ҳифзи ҳуқуқи ноҳияи Вахш ва вилояти Хатлон ин ҳодисаро алҳол расман шарҳ намедиҳанд. Ҳодиса мавриди таҳқиқ қарор гирифтааст.
Қобили зикр аст, ки аз субҳ дар тамоми роҳҳо дар шаҳри Қӯрғонтеппа постгоҳҳои мақомоти ҳифзи ҳуқуқ гузошта шудааст.
Дар ҳамин ҳол, бино ба маълумоти Радиои Озодӣ, соҳибкор Нусратулло Саидов дар озодӣ аст ва хабарҳо дар бораи дар боздошт будани ӯ ҳақиқат надорад. Нусратулло Саидови 45-сола зода ва истиқоматкунандаи деҳаи Нурободи Ҷамоати деҳоти «Тоҷикобод»-и ноҳияи Вахш дар ин навори видеоӣ гуфтааст, ки воқеан ҳам муддати кӯтоҳе боздошт шуда раҳо гардид ва ҳоло дар озодӣ ба сар мебарад.
Гуфта мешавад, мақомоти интизомӣ дар ҷамоати "Тоҷикобод"-и (Туркманистони қаблӣ) ноҳияи Вахш, 5 парчами гурӯҳи "Давлати исломӣ"-ро пайдо кардаанд. Рӯзи 19 феврал мақомот дар бораи боздошт ва бозпурсӣ шудани 10 нафар хабар доданд.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста