Дар доираи ҷаласаи навбатии Шӯрои вазирони корҳои дохилии давлатҳо - иштирокчиёни аъзои ИДМ дар шаҳри Боку вазири корҳои дохилии Тоҷикистон генерал-полковники милитсия Раҳимзода Рамазон Ҳамро бо Котиби генералии «Интерпол» Юрген Шток вохӯрӣ доир намуд.
Бино ба иттилои дафтари матбуоти ВКД Тоҷикистон, дар ҷараёни вохӯрӣ масъалаҳои ҳамкорӣ дар самти ҷустуҷӯи шахсоне, ки дар кофтукови байналмилалӣ қарор доранд, мавриди баррасӣ қарор гирифта, қайд шуд, ки ба роҳ мондани системаи бонизоми мубодилаи иттилоот барои дастгир намудани шахсоне, ки дар кофтукови байналмилалӣ қарор доранд, мусоидат менамояд.
Зимнан зикр мегардад, ки Бюрои Миллии Марказии «Интерпол»-и Вазорати корҳои дохилии Ҷумҳурии Тоҷикистон яке аз фаъолтарин Бюро ба шумор рафта, дар мубориза бо ҳама гуна ҷинояту ҷинояткорӣ саҳми назаррас мегузорад.
Тибқи маълумоти ВКД Тоҷикистон, дар моҳи ноябри соли 2017 тариқи Интерпол 2 ҳазору 528 нафар шаҳрвнадони Тоҷикистон мавриди ҷустуҷӯ қарор доштанд. Онҳо ба содир намудани ҷиноятҳои вазнин, аз қабили куштору ғоратгарӣ, қаллобӣ, терроризму ифротгароӣ ва ғайра гумонбар дониста мешаванд.
Вазорати умури дохилӣ қайд мекунад, ки аз ин шумор беш аз 1 ҳазору 870 нафар ба узвият дар созмонҳои террористиву ифротгароӣ гумонбар дониста шуда, 35 тан аз онҳо аъзои фаъоли Ҳизби наҳзати исломӣ мебошанд.
Тавре ВКД хабар медиҳад, рӯзи 20 июли соли 2018 дар шаҳри Бокуи Ҷумҳурии Озарбойҷон ҷаласаи навбатии Шӯрои вазирони корҳои дохилии давлатҳо - иштирокчиёни аъзои ИДМ баргузор гардид.
Гуфта мешавад, миёни Вазирони корҳои дохилии ИДМ оид ба ҳолати мубориза бо ҷинояткорӣ, ҳамкорӣ оид ба масъалаҳои мубрами фаъолияти оперативӣ-ҷустуҷӯӣ, баррасии рафти иҷрои қарорҳои қаблан қабулшуда оид ба мубориза бо терроризми байналмилалӣ, экстремизм, гардиши ғайриқонунии маводи мухаддир ва дигар чорабиниҳои муштараки мақомоти ҳифзи ҳуқуқ мубодилаи афкор сурат гирифт.
Зимнан қайд мешавад, ки Шӯрои Вазирони корҳои дохилии ИДМ бо мақсади ҳамоҳангсозӣ ва ҳамкорӣ дар мубориза бар зидди ҷинояткорӣ бо Қарори Шӯрои Сарони давлатҳои аъзои ИДМ 19 январи соли 1996 таъсис ёфта, дар давоми мавҷудияти худ фаъолона ва манфиатнок амал карда, айни замон фаъолияти худро бомуваффақона давом дода истодааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста