Хадамоти алоқаи назди ҳукумати Тоҷикистон ният дорад, ки барои истифодаи симкортҳои ширкатҳои мобилии Тоҷикистон дар ҳаҷми 250 сомонӣ (26 доллар) нарх муқаррар намояд. Айни замон муштариён симкортҳоро бо нархи ночиз ҳамроҳ бо бастаи хизматгузориҳои ин ё он ширкат харидорӣ мекунанд.
Дар Хадамоти алоқа изҳор намуданд, ки дар бораи ҷорӣ шудани чунин маблағи пардохти симкорт алҳол санади расмӣ таҳия нашуда, аммо ин масъала мавриди баррасӣ қарор дорад, “то ки масъулияти доштани рақам нисбатан зиёдтар шавад”.
“Бархе аз муштариён тез-тез рақамҳояшонро иваз мекунанд, арзиши баланд инро пешгирӣ мекунад. Ғайр аз ин, симкортҳои ширкатҳои мобилии Тоҷикистон дигар камтар ба дасти шахсони тасодуфӣ меафтанд. Агар дар пойгоҳи маълумоти ВКД рақами мушаххас сабт шавад, пас танҳо соҳиби симкорт ба он масъул хоҳад буд”, - гуфт манбаъ.
Дар Хадамот ҳамчунин бар ин назаранд, ки тағйир ёфтани нархи симкортҳо фурӯши дубораи онҳоро низ боздошта, ҳамчунин бори дигар бақайдгирии симкорт ба номи соҳиби наваш низ 250 сомонӣ арзиш дорад.
Маълумот дар бораи ин навгониро ба “Азия-Плюс” дар ду ширкати мобилӣ тасдиқ намуда, лекин изҳор доштанд, ки алҳол дар ин хусус санади расмӣ ба онҳо нарасидааст.
Ёдрас мекунем, ки мувофиқи қарори қаблан қабулшудаи ҳукумат, ба як муштарӣ харидории ду симкорт ва ҳамчунин яктогӣ барои ҳар кадоме аз фарзанди ноболиғ дар оила иҷоза дода шудааст.
Қобили зикр аст, ки дар Тоҷикистон чор ширкати мобилӣ - Babilon-Mobile, Tcell, Megafon-Tajikistan, Beeline нисбатан фаъол мебошанд. Соли гузашта 6,1 млн. адад симкортҳо дубора бақайд гирифта шуданд. Як ширкати мобилӣ ҳамасола ба ҳисоби миёна 300 ҳазор симкорт мефурӯшад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Боздошти 15 нафар барои қасди ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста