Толиб Айёмбеков изҳор дошт, ки ҳамеша ҷонибдори нигаҳдории тартибот дар Хоруғ буда, имрӯз дар ҳамдастӣ бо мақомот дар мавриди пешгирии қонуншиканиҳо байни ҷавонон дар шаҳр кӯшиш ба харҷ медиҳад.
Ӯ қайд кард, ки имрӯз дар Хоруғ дар дасти аҳолӣ дигар силоҳи ғайриқонунӣ нигоҳдошташуда боқӣ намондааст. “Агар он вуҷуд медошат, оташ мекушод”, - хабар дод ӯ ба “Азия-Плюс” тариқи телефон.
Аммо, ба гуфтаи Айёмбеков ахиран ӯ дар шаҳри Хоруғ чунин ҳодисаҳоро дар хотир надорад.
Қобили зикр аст, ки Толиб Аёмбеков дар қатори Маҳмадбоқир Маҳмадбоқиров, Ёдгор Шомусалламов, Мунаввар Шанбиев ва Хурсанд Мазориев аз ҷумлаи пешвоёни ғайрирасмии ВМК шуморида мешаванд, ки дар вилоят нуфузи зиёд доранд.
Ӯ ҳамчунин хабар дод, ки ҷиянаш Абдураҳмон Айёмбеков, ки рӯзи 15 октябр ҳамроҳи чор ҷавони дигар барои итоат накардан ба кормандони мақомоти ҳифзи ҳуқуқ боздошт шуда буд, баъдтар озод карда шудааст.
“Дар автомашинае, ки ронандааш ба кормандони БДА итоат накард, ӯ танҳо мусофир буд. Абдураҳмон ҳушёр буда, ба намояндагони ҳокимият ҳеҷ гуна муқобилияте нишон надодааст”, - изҳор намуд Толиб Айёмбеков.
Ҳамчунин ӯ таъкид дошт, ки субҳи имрӯз писараш ва ҷиянаш Абдураҳмон Айёмбеков ихтёрӣ барои хизмат ба сафи Қувваҳои Мусаллаҳ рафтанд. “Алҳол намедонам, ки дар кадом воҳиду дар куҷо хизмат хоҳанд кард”, - афзуд ӯ.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Кулли ахбор
Авторизуйтесь, пожалуйста