Мақомоти расмии Тоҷикистон санаи 22 ноябр бори нахуст ҳодисаи ошӯби шаби 8 ноябри маҳбусон дар муассисаи ислоҳии №3/3-и шаҳри Хуҷандро шарҳ доданд.
Вазири корҳои хориҷии Тоҷикистон Сироҷиддин Муҳриддин зимни нишасти хабарӣ дар Брюссел дар доираи вохӯрии вазирони хориҷӣ дар чаҳорчӯби Иттиҳоди Аврупо – Осиёи Марказӣ дар бораи саркӯб кардани ин исён маълумот дод, хабар медиҳад Бахши хабарии Осиёи Марказӣ.
Ба гуфтаи Сироҷиддин Муҳриддин, дар ошӯб асосан маҳбусони ба иттиҳоми терроризм маҳкумшуда, аз ҷумла пайравони гурӯҳи террористии Давлати исломӣ иштирок карда, дар ҷараёни бетартибиҳо 21 нафар ошӯбгарон кушта шуданд.
“Посбонон ва кормандони муассиса ошӯбгаронро ба муколама даъват карданд, лекин онҳо муқовиматро давом дода, чанде аз онҳо кӯшиши фирор намуданд... 12 нафар аз кушташудагон барои иштирок дар амалиёти ҷангӣ дар Сурия ва Ироқ дар сафҳои Давлати исломӣ адои ҷазо намуда, се нафар – аъзои гурӯҳҳои ифротгарои “Аносруллоҳ”, “Ҷундуллоҳ” ва Ҳаракати исломии Ӯзбекистон мебошанд, боқимонда шаш тани дигар барои содир намудани ҷиноятҳои вазнин, аз қабли куштор ва қочоқи маводи мухаддир дар ҳаҷми ниҳоят зиёд маҳкум шуда буданд”, - қайд кардааст вазири корҳои хориҷии Тоҷикистон.
Ҳамчунин ӯ тасдиқ намудааст, ки ҳангоми исён ду корманди муассиса кушта шуда, панҷ нафар зиндонбонон бо ҷароҳатҳои вазнин дар бемористон бистарианд.
Сироҷиддин Муҳриддин зикр кардааст, ки ба тафтиши ошӯб дар зиндони Хуҷанд гурӯҳи махсуси Прокуратураи генералии Тоҷикистон машғул аст.
Қаблан ВАО бо истинод ба манбаъҳои худ хабар дода буданд, ки зимни саркӯби ошӯб дар зиндони Хуҷанд наздики 47 нафар маҳбусон кушта ва беш аз 200 нафар захмӣ шудаанд.
Манбаъҳо ҳамчунин иттилоъ дода буданд, ки аз рӯи ин парванда ҳафт нафар кормандони муассиса, аз ҷумла сардори зиндон Файзулло Сафарзода ва сардори шуъбаи риояи реҷа Фарҳод Садиров ба ҳабс гирифта шудаанд.
Ёдрас мекунем, ки шаби 8 ноябр дар муассисаи ислоҳии низомаш шадиди №3/3-и шаҳри Хуҷанд ошӯб сар зада, нерӯҳои таъиноти махсуси милитсия онро саркӯб карданд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста