Лоиҳаи Барномаи байнидавлатии ҳадафнок оид ба таҳкими қитъаҳои сарҳади Тоҷикистону Афғонистон аз ҷониби котиботи Созмони Аҳдномаи амнияти дастаҷамъӣ (СААД) таҳия ва ба муофиқаи дохилидавлатӣ фиристода шуд, хабар дод ба “Азия-Плюс” як манбаъ аз сохторҳои қудратии ҳукумати Тоҷикистон.
Дар муҳлати се моҳ ҳамаи кишварҳои узви Созмон - Русия, Арманистон, Беларус, Қазоқистон, Қирғизистон ва Тоҷикистон бояд хулосаҳои худро дар мавриди ин барнома ба котиби СААД пешниҳод намоянд.
Баъди аз ҷониби ҳамаи давлатҳои узви Созмон дастгирӣ ёфтани барномаи ҳадафнок, Тоҷикистон барои таҳкими сарҳадаш бо Афғонистон ба сифати воситаҳои алоқа, дастгоҳҳои парвозкунандаи бесарнишин, таҷҳизоти мушоҳидаи шабона (дурбинҳои шабона), техникаи зиреҳпӯш ва автомобилӣ кумак гирифта метавонад.
Қобили зикр аст, ки 23 сентябри соли 2013 Шӯрои амнияти дастаҷамъии СААД дар Сочи тасмим гирифт, ки барои таҳкими сарҳади Тоҷикистону Афғонистон ба Қушӯнҳои сарҳадии Тоҷикистон кумаки низомӣ-техникӣ мерасонад.
Он замон пас аз шунидани гузориши Дабири кулли СААД Николай Бордюжа доир ба таҳқиқи вазъи марзи Тоҷикистону Афғонистон, сарони кишварҳои Созмон тасмим гирифтанд, ки роҳандозии тадбирҳои иловагӣ ҷиҳати пурзӯр кардани посбонии ин қитъаи марзи минтақаи фарогири Созмон мувофиқи мақсад аст.
Зикр гардида буд, ки бар асоси дархости Тоҷикистон, кишварҳои узви СААД дар муҳлати се моҳ мувофиқи имкони худ ба сарҳадбонони ин кишвар бепул кумаки низомӣ-техникӣ мерасонанд.
Аммо бо гузашти панҷ соли минбаъда баҳри таҳкими марзҳои ҷанубии Созмон ба Тоҷикистон ҳеҷ кумаки назаррасе нарасид. Танҳо Беларус барои сарҳадбонони тоҷик як миқдор сарулибоси ҳарбӣ фиристода, Арманистон Қушӯнҳои сарҳадии Тоҷикистонро бо якчанд автомашинаи боркаш таъмин намуд.
Бо мо дар Telegram, Facebook, Instagram, Viber, Яндекс.Дзен, OK ва Google Новости бимонед.
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Кулли ахбор
Авторизуйтесь, пожалуйста