Тоҷикистону Қирғизистон даҳаи аввали моҳи март гуфтушунидҳоро оид ба таъйин ва аломатгузории сарҳади давлатӣ байни кишварҳо барқарор мекунанд.
Тавре 24.kg бо такя ба гуфтаҳои намояндаи махсуси ҳукумати Қирғизистон оид ба масоили сарҳад Назирбек Борубоев дар брифинг хабар медиҳад, дар робита ба вазъи марбут ба сирояти COVID-19, кори Комиссияи ҳукуматӣ оид ба таъйин ва аломатгузорӣ дар сарҳад боздошта шуда буд.
“Тавре медонед, ин комиссияро раиси Кумитаи давлатии амнияти миллӣ Қамчибек Тошиев роҳбарӣ мекунад, - изҳор доштааст ӯ. - Ӯ ҳозир бемор буда, вақте муолиҷа шудаву бармегардад, даҳаи аввали моҳи март гуфтушуниҳоро бо Тоҷикистон оғоз мекунем”.
Номбурда инчунин қайд кардааст, ки Тоҷикистону Қирғизистон корро дар ин самт соли ҳанӯз 2002 оғоз намуда, дар мавриди таъйину аломатгузории 60%-и сарҳад ба мувофиқа расиданд.
“Қитъаҳои боқимонда хеле мушкиланд, аз ин рӯ, ҳалли онҳо дар муҳлати кӯтоҳ муяссар намешавад”, - илова кардааст Борубоев.
Ёдрас мекунем, ки пас аз таъини Азим Иброҳим ба мансаби вазири нақлиёт, акнун минбаъд ҳайати Тоҷикистонро дар ҷаласаҳои Комиссияи муштараки байниҳукуматии Тоҷикистону Қирғизистон оид ба дақиқ кардани гузариши хатти сарҳад муовини сарвазир Давлатшоҳ Гулмаҳмадзода роҳбарӣ хоҳад кард.
Қобили зикр аст, ки хатти марзи байни Тоҷикистону Қирғизистон 976 километр аст. То кунун 504 километри он муайян ва аломатгузорӣ шудааст. Ду тараф бо вуҷуди гузашти солҳо, натавонистанд сари минтақаҳои баҳсбарангез ба мувофиқа бирасанд ва хатти марзро бикашанд.
Баъзан дар ҳамин минтақаҳо ва барои тақсими обу замин ва чарогоҳ ҷанҷолу тирандозӣ сурат мегирад ва то кунун чандин нафар аз ду тараф куштаву захмӣ шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста