Се сокини деҳаи Сомониёни шаҳри Исфара бар пайи як низои марзӣ аз сӯйи марзбонони қирғиз мавриди ҳамлаи мусаллаҳона қарор гирифтаанд, ки ҳоло дар шуъбаи эҳёи беморхона қарор доранд. Вазъи онҳо муътаъдили нигаронкунанда арзёбӣ мешавад, гуфтанд ба "Азия-Плюс" аз Беморхонаи марказии Исфара
Ба гуфтаи як манбаъ аз ҳукумати шаҳри Исфара ин се нафар бар пайи як ҷанҷоле, ки субҳи имрӯз миёни деҳаҳи ҳаммарз сар задааст, маҷруҳ шудаанд. Ба гуфтаи манбаъ тирандозиро ҷониби Қирғизистон оғоз кардааст.
"Ҷанҷол миёни сокинон субҳи имрӯз оғоз шуд, ба сӯйи якдигар сангзанӣ карданд. Вале аз ҷониби Қирғизистон низомиён бо либоси мулкӣ тирандозиро ба сӯйи бошандагони мо оғоз карданд. Дар натиҷа даҳҳо нафар хисорот диданд, чандин сокини деҳа захмӣ шуданд",- гуфт ин манбаъ.
Аз беморхонаи марказии Исфара ба "Азия-Плюс" гуфтанд, ки аз ҷойи ҳодиса се нафарро оварданд, ки ҷароҳат бардоштаанд. "Онҳо ҳоло дар шуъбаи эҳё қарор доранд. Вазъи онҳо муътадили нигаронкунанда арзёбӣ мешавад. Пизишкон ба онҳо ёрии лозимро расонида истодаанд".
Манбаи мо аз шаҳрдории Исфара мегӯяд, ки намояндагони ҳукумати маҳаллӣ ва мақомоти ҳифзи ҳуқуқ дар ҷойи ҳодиса қарор доранд ва бо сокинони маҳаллӣ мулоқот мекунанд. Вале дар мавриди хатми ҷанҷол ӯ чизе нагуфт.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста