Ҷумҳурии Исломии Эрон гуфтааст, омода аст барои пешбурди музокироти Тоҷикистону Қирғизистон мусоидат кунад. 

Сухангӯи Вазорати умури хориҷаи Эрон Сайид Хатибзода гуфтааст, ки Ҷумуҳурии Исломӣ омодагии худро барои пешбурди музокироти Тоҷикистону Қирғизистон ва ҳамчунин пешниҳоди таҷрибаи ҳуқуқӣ ва фаннӣ дар ин заминаро эълон медорад. 

Хабаргузории расмии давлатии “Ирно”-и Эрон ба нақли қавл аз Сайид Хатибзода дар вокуниш ба даргириҳои марзии Тоҷикистону Қирғизитон чунин хабар додааст

”Ҷумҳурии Исломи Эрон ахбори даргириҳои ахир дар маноқтиқи марзии муштараки ду кишвари дӯст ва бародари Тоҷикистону Қирғизистонро, ки мунҷар ба кушта ва захми шудани теъдоде аз шаҳрвандони ду тараф шудааст, бо нигаронӣ думбол мекунад”. 

Хатибзода гуфтааст, мо зимни тақдир аз тадобири оҷили сарони ду кишвар, ки мунҷар ба тавқифи ин даргириҳо шудааст, итминон дорем идомаи музокироти ду кишвар дар ниҳоят ба ҳаллу фасли мусолиматомези ҳар гуна ихтилофи марзӣ мешавад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.