Байни ҳукумати Тоҷикистону Ӯзбекистон дар бораи қабули шаҳрвандони Тоҷикистон ба мактабҳои олии ҳарбии кишвари ҳамсоя тавофуқ ҳосил шуд.
Акнун афсарони ояндаи тоҷик ҳуқуқ пайдо намуданд, ки аллакай аз соли хониши оянда ба мактабҳои олии ҳарбии Ӯзбекистон қабул шаванд, хабар дод ба “Азия-Плюс” як манбаъ аз Вазорати мудофиаи Тоҷикистон.
Зикр шуд, ки айни замон масъалаи ҳамасола чӣ миқдор квота ҷудо шудан аз ҷониби Ӯзбекистон барои таҳсил ва бо кадом ихтисосҳо тайёр кардани афсарони тоҷик дар кишвари ҳамсоя мувофиқа мешавад.
Тибқи маълумоти Вазорати мудофиаи Тоҷикистон, ҳамасола ҳудуди 400 нафар ҷавонони тоҷик ба мактабҳои олии ҳарбӣ қабул мешаванд.
Аз ин шумор Донишкадаи ҳарбии Вазорати мудофиаи ҷумҳурӣ ҳар сол 250 нафар афсарони ояндаи Қувваҳои мусаллаҳи кишварро ба таҳсил фаро мегирад.
Боқимонда 150 нафар, мувофиқи созишномаҳои байниҳукуматӣ, ҳамасола ба мактабҳои олии ҳарбии Русия, Ҳиндустон, Қазоқистон, Озарбойҷон ва акнун Ӯзбекистон қабул мешаванд.
Ба гуфтаи манбаъ, бо супориши президенти мамлакат Эмомалӣ Раҳмон, ҳар сол наздики 80 нафар афсарони ояндаи артиши миллӣ ба мактабҳои олии ҳарбӣ бе супурдани имтиҳон танҳо баъди гузаштан аз муоинаи тиббӣ ва суҳбат қабул карда мешаванд.
Бо дастури президент, чунин имтиёз танҳо ба ятимони кулл, ҷавонони бепарастормонда ва ҷавонон аз оилаҳои камбизоат дода мешавад.
Ба ҳамаи хатмкардагони мактабҳои олии ҳарбии Тоҷикистон ва дигар кишварҳо, ки Тоҷикистон бо онҳо дар бораи тайёр кардани мутахассисони ҳарбӣ созишномаи дахлдор дорад, рутбаи ҳарбии лейтенант дода шуда, Вазорати мудофиаи ҷумҳурӣ бо ҷойи корӣ таъмин кардани онҳоро кафолат медиҳад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Кулли ахбор
Авторизуйтесь, пожалуйста