Имрӯз президенти Русия Владимир Путин бо роҳбарони хадамоти махсуси кишварҳои узви Иттиҳоди Давлатҳои Мустақил (ИДМ) вомехӯрад.

Тавре ки хадамоти матбуоти Кремл хабар медиҳад, вохӯрӣ дар шакли видеоконфронс доир мегардад. Роҳбарони хадамоти махсуси кишварҳои узви ИДМ ҷиҳати иштирок дар ҷаласаи XVII Машварати роҳбарони мақомоти амният ва хадамоти иктишофии ИДМ ба Маскав омадаанд.

Дар вохӯрӣ директори Хадамоти иктишоф (разведка)-и хориҷии Русия Сергей Наришкин ва роҳбарони ҳайатҳо аз Озарбойҷон, Арманистон, Беларус, Қазоқистон, Тоҷикистон, Туркманистон ва Ӯзбекистон иштирок мекунанд.

Дар бораи рӯзномаи вохӯрӣ маълумот дода нашудааст.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.