Содир Ҷабборов президенти Қирғизистон ба даргириҳои марзии Тоҷикистону Қирғизистон вокуниш кард ва дар саҳфаи расмии фейсбукияш навишт, ки вазъ комилан таҳти назорати ӯст.
Ҷабборов бо хитоб ба мардуми Қирғизистон навиштааст, ки "вазъ дар марз комилан таҳти назорати ман аст. Худо кунад, ки ҳама чизро аз тариқи гуфтушунид, ба таври осоишта ҳал кунем. Нигарон набошед".
Дар ҳоли ҳозир гуфтушуниди раиси вилояти Суғди Тоҷикистон Раҳаббой Аҳмадзода ва раиси вилояти Бодканди Қирғизистон Абдикарим Алимбаев дар нуқтаи марзии Кок-Сой бар сари мизи музокирот нишастаанд ва гуфта мешавад, ки музокирот беш аз ду соат аст, ки ҷараён дорад.
Шумори захмиҳо Тоҷикистон дар даргириҳои марзии Тоҷикистону Қирғизистон то ин лаҳза ба 17 нафар расидааст. Аммо имкон дорад теъдоди онҳо бештар бошад, зеро бархе аз захмиёнро пизишкон дар худи деҳаи Хоҷаи Аъло кӯмак мекунанд. Дар ин бор аз бахши Ёрии аввалияи тиббии шаҳри Исфара ба "Азия – Плюс" хабар доданд.
То ин дам як шаҳрванди Тоҷикистон Обидҷон Туйчиев, сокини деҳаи Хоҷаи Аъло аз шиллики гулӯла кушта шуд. Аз миёни захмиҳо ду нафар кормандони масъули ҳукумати Исфара, яке Некрӯз Хоҷаев, ҳуқуқшиноси ҳукумат ва дигаре Искандар Маликӣ, мудири шуъбаи ташкилии дастгоҳи шаҳрдори Исфара, мебошанд. Нафари аввали аз ноҳияи китф ва думуӣ аз пой тир хӯрдаанд.
Ҷониби Қирғизистон шумори захмиҳои ин даргириҳоро 7 нафар эълон кардааст. Пойгоҳи хабарии 24.kg ин хабарро бо такя ба Вазорати тандурустии Қирғизистон нашр кардааст.
Ёдовар мешавем, ки шоми дирӯз, 27 январ дар марзи Тоҷикистону Қирғизистон, дар деҳаи Сомониён миёни марзбонони ду тараф даргирӣ сар зад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
Кулли ахбор
Авторизуйтесь, пожалуйста