Мақомоти маҳалии Тоҷикистон ҷузъиёти муноқишаи бегоҳии 12-уми апрел дар марзи миёни ҷамоати Хистеварзи ноҳияи Бобоҷон Ғафуров ва ноҳияи Лайлаки Қирғизистонро расман шарҳ дода, марзбонони кишвари ҳамсояро дар оғози тиркушоӣ муттаҳам карданд.
Субҳи имрӯз, 13-уми апрел ҳайатҳои Тоҷикистону Қирғизистон дар деҳаи марзии Борбордук ва ҳудуди гузаргоҳи марзии “Кулунду” ва “Хистеварз” мулоқот карда ба тавофуқ расиданд, ки неруҳоро аз хатти марз ба маҳалли будубошашон пас мекашанд ва сабабу омилҳои ҳодисаи тиркушоиро меомӯзанд.
Матлуба Ҷӯрабоева, муовини раиси ҷамоати Хистеварз субҳи имрӯз ҳодисаи тирпаронии дирӯзаро расман шарҳ дода марзбонони қирғизро дар оғози тиркушоӣ муттаҳам кард. Ӯ дар суҳбат ба рузноманигорон гуфт, ҳодиса дар хатти марзи маҳаллаи Ҷавғали ҷамоати Хистеварз рух дода тирпаронӣ тахминан 10 дақиқа давом кард.
«Рӯзи гузашта тахминан соатҳои 18:30 дар қисми низомии назди сарҳади ҷамоати Хистеварзбуда, вақте сарҳадбонони мо ба хидмати худ машғул буданд, сарҳадбонони қирғиз пайдо мешаванд хостаанд, ки гуфтушунид кунанд. Сарҳадбонони мо, вақте ба назди онҳо наздик мешаванд онҳо ба тарафи сарҳадбонони мо тир мекушоянд. Дар ҳамин вақт сарҳадбонони мо низ ба онҳо тири ҷавобӣ мекушоянд ва дар натиҷа як марзбони қирғиз захмӣ мешавад. Баъди захмӣ шудан ҷониби Қирғизистон муноқишаро оғоз мекунанд ва тирпаронӣ чанд муддат давом мекунад. Мақомоти ҳифзи ҳуқуқ зуд аз он бохабар шуда, омада вазъро ором мекунанд”.-гуфт, Матлуба Ҷӯрабоева.
Бино ба нақли муовини раиси ҷамоати Хистеварз, ҳоло вазъ дар марз ором буда, ҳангоми муноқиша аҳолӣ ба ягон таҳлука наафтодаанд.
Ҷӯрабоева мегӯяд, “ин ҳолат бори аввал нест, мо дар ҷамоати Хистеварз гурӯҳи тарғиботӣ дорем ва дар ҳол панҷ маҳаллаи наздимарзие, ки дорем огоҳ кардем, то ҳушёр бошанд”.
Дар ҳамин ҳол Раҷаббой Аҳмадзода, раиси вилояти Суғд, ки бо ҳайате бо шумули фармондеҳи Неруҳои марзбонии КДАМ Раҷабалӣ Раҳмоналӣ барои мулоқот бо раиси вилояти Бодканд Абдикарим Алимбоев ва фармондеҳи Хадамоти марзбонии КДАМ Уларбек Шаршеев ба марзи Кулунду ва Хистеварз рафта буд, баъди мулоқоти даври аввал баъзе ҷузъиёти ҳодисаро шарҳ дод. Раҷаббой Аҳмадзода дар суҳбати бидуни сабт ба рӯзноманигорон гуфт, ки дар натиҷаи тирпаронӣ аз ду ҷониб як нафарӣ маҷруҳ шудаанд.
Раиси вилояти Суғд, сабаби ҳодисаи бегоҳии 12-уми апрелро нофаҳмӣ миёни ду марзбони тоҷику қирғиз номид. Ӯ ҷузъёти бештар надод, вале гуфт муноқиша бар сари муаммои об набуд, балки нофаҳмии ду марзбон буд".
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста