Дар шаҳри Истанбули Ҷумҳурии Туркия Раиси Шӯрои уламои Маркази исломии Ҷумҳурии Тоҷикистон Саидмукаррам Абдуқодирзода бо Муфтии шаҳри Истанбул профессор Ҳасан Комил Йилмаз дидор ва гуфтугӯ анҷом дода, зимни вохӯриҳо оид ба масъалаҳои густариши муносибатҳои дуҷонибаи Тоҷикистону Туркия ва паҳлуҳои гуногуни он, аз ҷумла масъалаҳои динӣ табодули афкор сурат гирифт.
Ҷонибҳо бо изҳори хушнудӣ аз сатҳ ва ҳолати кунунии муносибатҳои дуҷониба, омодагии хешро ҷиҳати рушди минбаъдаи ҳамкории мутақобилан судманд дар мавриди ҳолати озодиҳои динӣ дар Ҷумҳурии Тоҷикистон ва тадбирҳо барои пешгирии гаравидани шаҳрвандон ба ташкилотҳои террористии “ҲНИТ” ва “ФЕТО” таъкид намуданд.
Дар рафти мулоқот Саидмукаррам Абдуқодирзода табаддулоти нокоми давлатиро, ки 15 июли соли 2016 дар Ҷумҳурии Туркия ба амалӣ омода буд, маҳкум намуда изҳор дошт, ки мақомотҳои дахлдори Тоҷикистон ва Туркия дар ин самт ҳамкории лозимаро ба роҳ мондаанд.
Ҳамчунин Раиси Шӯрои уламои Маркази исломии Тоҷикистон доир ба амалҳои тахрибкоронаи ташкилоти террористии ҲНИТ дар даврони ҷанги шаҳрвандӣ ва кӯшиши табаддулоти нокоми давлатие, ки моҳи сентябри соли 2015 аз ҷониби аъзоёни ин ҳизб амалӣ гардида буд, маълумоти муфассал пешниҳод намуд.
Дар идома Муфтии шаҳри Истанбул доктор Ҳасан Камил Йлмаз таъкид намуд, ки Диёнати Ҷумҳурии Туркия ҳама гуна табаддулотҳо, аз ҷумла табаддулоти нокоми давлатие, ки моҳи сентябри соли 2015 аз ҷониби Абдуҳалим Назарзода зери роҳбарии ҲНИТ дар Ҷумҳурии Тоҷикистон роҳандозӣ шуда буд, маҳкум менамояд.
Дар идомаи мулоқот тарафҳо аз робитаи дӯстонаи ду кишвар изҳори ақида намуда, иброз доштанд, ки мардуми Тоҷикистон ва Туркия пайравӣ аз як мазҳаби ягона, яъне мазҳаби ҳанафӣ мекунанд, ки он дар ҳарду кишвар ҳамчун мазҳаби расмӣ шинохта шудааст. Инчунин таъкид бар он доштанд, ки яккамазҳабӣ омили муҳимми сулҳу субот дар замони кунунӣ ба шумор меравад. Таманнои онро намуданд, ки ин робитаи дӯстонаро дар оянда низ боз ҳам мустаҳкамтар намуда, барои пешгирӣ аз ҳар гуна амалҳои ифротӣ саъю кӯшиши худро ба харҷ бояд дод.
Дар фарҷоми мулоқот Муфтии Истанбул аз он хушнудӣ намуд, ки Тоҷикистон яке аз шарикони стратегии Туркия ба ҳисоб рафта, ходимони Диёнати Туркия омода ҳастанд, ки бо Шӯрои уламои Тоҷикистон барои поку беолоиш нигоҳ доштани мазҳаби ҳанафӣ ҳамкории судманди бештаре дошта бошанд.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста