Дар Душанбе бори нахуст маросими тантанавии гусели наваскарон ба хизмати ҳарбӣ доир гардид.

Ин маросим дар майдони «800-солагии Маскав» баргузор шуда, дар он даъватшавандагон аз 4 ноҳияи шаҳр, волидони онҳо, намояндагони мақомоти шаҳрдорӣ, аҳли ҷомеа ва рӯзноманигорон ширкат варзиданд.

Ҳозирин наваскаронро ба хизмати шоиста ба ватан ҳидоят намуда, қабл аз нишаст ба автобусҳо барои онҳо консерт намоиш дода шуд. Қаблан дар пойтахт чунин маросими гусели ботантанаи даъватшавандагон ба хизмати ҳатмии ҳарбӣ ба мушоҳида нарасида буд.

Тавре ба «Азия-Плюс» котиби матбуотии раиси шаҳри Душанбе Абдумаҷид Усмонзода дар ин робита хабар дод, раиси пойтахт ҳанӯз санаи 19 март дар бораи баргузор намудани чорабиниҳо оид ба гусели наваскарон ба хизмати ҳарбӣ аз ҳамаи 4 ноҳияи шаҳр қарор ба имзо расонидааст.

1/13

Дар бораи шумори даъватшавандагон ба хизмати ҳарбӣ дар Қувваҳои Мусаллаҳ аз Душанбе маълумот дастрас нест.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.