Субҳи рӯзи 9 май наздики 500 нафар сокинони пойтахт назди дарвозаи Боғи Ғалаба (мавзеи маъруф ба пивзавод) ҷамъ омада, то Боғи Ғалаба раҳпаймоӣ карданд. Ин ҷо онҳо дар пояи Оташи ҷовидон барои гиромӣ доштани хотираи фавтидагон дар Ҷанги Бузурги Ватанӣ гулҳо гузоштанд.
«Ин фаромӯшношуданӣ аст, яъне хеле хурсандам, ки раҳпаймоӣ баргузор шуд, - мегӯяд Фурқат, сокини пойтахт. - Ман бо писаронам омадам, ин бошад, сурати бобоҳоям аст», - нишон медиҳад ӯ аксҳои сиёҳу сафедро.
На ҳамаи ба раҳпаймоӣ омадагон ба дар чорчӯба гирифтани аксҳои гузаштагони худ, ки дар ҷанг ҳалок шудаанд, фурсат ёфтаанд, лекин қариб 80 фоизи иштирокдорон дар дастҳояшон сурат доштанд.
«Мо тамоми раҳпаймоиро паймудем, ҳанӯз субҳ ҷамъ омада будем, - мегӯяд Ирина, сокини пойтахт. - Ман бо шавҳарам омадам. Дар оилаи мо ман ва ҳамсарам низ наздиконамон дар Ҷанги Бузурги Ватанӣ ҳалок шудаанд. Мутаассифона, бобоҳои мо аз ҷанг барнагаштанд ва мо ҳеҷ гоҳ ба дидори онҳо нарасидем. Имрӯз ман вақте шахсонеро дидам, ки наздиконашон ҳоло дар ҳаётанд, хеле зиёд гиря кардам. Худованд ба умрашон барака диҳад!».
Ҳукуматдорони пойтахт дар ниҳояти кор ба баргузории аксияи «Полки абадӣ» расман иҷоза надода, лекин монеъа ҳам нашуданд. Нахуст зикр гардид, ки вохӯрӣ назди танк, сипас хабар доданд, ки он назди Театри лӯхтак баргузор мешавад, дар ниҳояти кор мардум назди Боғи Ғалаба гирд омаданд.
Соли гузашта бо вуҷуди иҷозаи расмӣ надоштан ба баргузории раҳпаймоӣ, ба ҳар ҳол он доир гардид. Лекин қобили зикр аст, ки соли гузашта дар раҳпаймоӣ шумори иштирокдорон нисбат ба имсол камтар буд, мегӯянд шоҳидон.
Айни замон дар Тоҷикистон 345 нафар собиқадорони Ҷанги Бузурги Ватанӣ боқӣ мондаанд. Дар ВМКБ - 4 нафар, вилояти Суғд - 102, Хатлон - 136, Душанбе - 46 ва ноҳияҳои тобеи марказ - 66 нафар собиқадрони ҷанг зиндагӣ мекунанд.
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста